tengrinews.kz
اقش يران تانكەرىنە ومان شىعاناعىندا سوققى جاسادى
اقش اسكەريلەرى ومان شىعاناعىندا يران تۋىمەن ءجۇزىپ بارا جاتقان تانكەرگە شابۋىل جاسادى. بۇل تۋرالى اقش ورتالىق قولباسشىلىعى (CENTCOM) مالىمدەدى.
CENTCOM-نىڭ ح الەۋمەتتىك جەلىسىندە جاريالانعان حابارلاماسىنا سايكەس، «Hasna» تانكەرى حالىقارالىق سۋلاردى كەسىپ ءوتىپ، يران پورتىنا باعىت العان كەزدە باقىلاۋعا الىنعان. اقش كۇشتەرى كەمەگە بۇعاتتاۋدى بۇزعانى تۋرالى ەسكەرتۋ جاساعان.
«Hasna» كەمەسىنىڭ ەكيپاجى بىرنەشە رەت ەسكەرتۋ جاسالعانىنا قاراماستان، تالاپتاردى ورىنداماعان سوڭ، امەريكالىق كۇشتەر USS Abraham Lincoln (CVN 72) كەمەسىنەن ۇشىرىلعان F/A-18 Super Hornet ۇشاعىنان 20 ميلليمەترلىك زەڭبىرەكتەن بىرنەشە رەت وق اتىپ، تانكەردىڭ ءرۋلىن ىستەن شىعاردى. ناتيجەسىندە، «Hasna» يرانعا قاراي باعىتىن جالعاستىرا المادى»، - دەلىنگەن حابارلامادا.
قولباسشىلىقتىڭ مالىمەتىنشە، يران پورتتارىنا كىرۋگە نەمەسە شىعۋعا تىرىساتىن كەمەلەرگە قاتىستى اقش-تىڭ بۇعاتتاۋى كۇشىندە قالادى. اقش 13 ساۋىردە ورمۋز بۇعازىن بۇعاتتاۋدى باستاعان بولاتىن. ۆاشينگتوننىڭ ايتۋىنشا، يرانمەن بايلانىسى جوق كەمەلەر تەگەرانعا اقى تولەمەسە، بۇعاز ارقىلى ەركىن وتە الادى.
-
الماتىدا پوليسيا قىزمەتكەرلەرى دوستىق داڭعىلىنداعى كوپقاباتتى ءۇيدىڭ بالكونىنان سەكىرمەك بولعان ايەلدى قۇتقارۋ وپەراسياسىن ءساتتى اياقتادى. تەز ارەكەت ەتۋدىڭ ارقاسىندا ادام ءومىرى ساقتالدى.
-
US military forces took action against an Iranian-flagged tanker in the Gulf of Oman، disrupting its steering and preventing it from reaching Iran.
