InfoHub Logo

اق ءۇي اقش پرەزيدەنتى دونالد ترامپتىڭ يرانمەن سوعىس شىعىندارىن اراب ەلدەرىنىڭ تولەۋىنە مۇددەلى ەكەنىن مالىمدەدى. بۇل تۋرالى ترامپ اكىمشىلىگىنىڭ باسپا ءسوز حاتشىسى كەرولاين ليەۆيتت ايتتى.

بۇل تۋرالى Infohub.kz اقپارات اگەنتتىگى حابارلايدى.

اراب ەلدەرىنەن قارجىلىق قولداۋ سۇراۋى مۇمكىن

ليەۆيتتتىڭ ايتۋىنشا، اقش پرەزيدەنتى اراب ەلدەرىن سوعىس شىعىندارىن وتەۋگە شاقىرۋى مۇمكىن. ول بۇل ماسەلە بويىنشا ءوز ۇستانىمىن پرەزيدەنتتىڭ ءوزى تولىعىراق بايانداۋى ىقتيمال ەكەنىن اتاپ ءوتتى.

«مەن العا وزبايمىن، ءبىراق ونى وسى شاراعا شاقىرۋ پرەزيدەنت ءۇشىن وتە قىزىقتى بولار ەدى دەپ ويلايمىن. ارينە، مەن ونىڭ مۇنداي يدەياسى بار ەكەنىن بىلەمىن جانە بۇل تۋرالى ودان ءارى ەستيسىزدەر دەپ ويلايمىن»، - دەدى ليەۆيتت باسپا ءسوز ءماسليحاتىندا جۋرناليستەردىڭ سوعىسقا بايلانىستى اراب ەلدەرىنىڭ قارجىلىق كومەك كورسەتۋگە دايىندىعى تۋرالى سۇراعىنا جاۋاپ بەرە وتىرىپ.

كەلىسسوزدەر جالعاسۋدا

اق ءۇي وكىلى يرانمەن كەلىسسوزدەردىڭ جالعاسىپ جاتقانىن جانە ءساتتى ءجۇرىپ جاتقانىن ايتتى. ول تەگەراننىڭ جاريا مالىمدەمەلەرىنىڭ جەكە كەزدەسۋلەردەگى سوزدەرىنەن وزگەشەلەنەتىنىن اتاپ ءوتتى.

«رەجيمنىڭ بارلىق جاريا مالىمدەمەلەرىنە جانە جالعان حابارلارعا قاراماستان، كەلىسسوزدەر جالعاسۋدا جانە ءساتتى وتۋدە. ارينە، جاريا تۇردە ايتىلعان سوزدەر جەكە تۇردە بىزگە جەتكىزىلگەن اقپاراتتان ايتارلىقتاي ەرەكشەلەنەدى»، - دەدى ول.

ول يراننىڭ جەكە كەزدەسۋلەردە ۆاشينگتونعا ايتقاندارىنىڭ ءبارى تەكسەرىلەتىنىن جانە اقش تەگەراننىڭ ۋادەسىن ورىنداۋىن قامتاماسىز ەتەتىنىن ەسكەرتتى.

بۇعان دەيىن اقش پرەزيدەنتى دونالد ترامپ يراننىڭ «جاڭا جانە اقىلدى رەجيمىمەن» جۇرگىزىلىپ جاتقان كەلىسسوزدەر تۋرالى مالىمدەگەن بولاتىن. ەگەر كەلىسىمگە قول جەتكىزىلمەسە، ترامپ ستراتەگيالىق نىسانداردى جويۋعا ۋادە بەرگەن ەدى. تەگەران ترامپتىڭ اقش-تىڭ سوعىستى توقتاتۋ تۋرالى تالاپتارىنىڭ «كوپشىلىگىمەن» كەلىسكەنى تۋرالى مالىمدەمەسىن جوققا شىعارىپ، بۇل ۇسىنىستى «ىسكە اسپايتىن» دەپ اتادى.