ult.kz
اقش-تا تويعا بارا جاتقان وتباسىنى قاسىرەتكە ۇشىراتقان جول اپاتى: بەس ادام كوز جۇمدى
اقش-تىڭ ۆيردجينيا شتاتىنداعى I-95 تاسجولىندا بولعان اۋىر جول اپاتى بەس ادامنىڭ ءومىرىن قيدى. تويعا بارا جاتقان وتباسىنىڭ ءتورت مۇشەسى وقيعا ورنىندا قازا تاپسا، تاعى بىرەۋى اۋىر جاراقاتپەن اۋرۋحاناعا جەتكىزىلدى. بۇل تۋرالى ult.kz حابارلادى.
قايعىلى وقيعا جولاۋشىلار اۆتوبۋسىنىڭ جول جوندەۋ جۇمىستارى جۇرگىزىلىپ جاتقان اۋماقتاعى كەپتەلىسكە سوعىلۋىنان باستالعان. تەرگەۋ مالىمەتتەرى بويىنشا، اۆتوبۋس جۇرگىزۋشىسى الدا تۇرعان كولىكتەر لەگىن دەر كەزىندە بايقاماي، بىرنەشە جەڭىل جانە جول تالعامايتىن كولىكتەرگە سوعىلعان. قاتتى سوققىدان كەيىن كولىكتەردىڭ ءبىرى ورتەنىپ كەتتى.
وقيعا ورنىندا دۇربەلەڭ تۋىنداپ، كەيبىر جولاۋشىلار سىنعان تەرەزەلەر ارقىلى سىرتقا شىعۋعا ءماجبۇر بولدى. جول اپاتىنان كەيىن ونداعان قۇتقارۋشى، ءورت ءسوندىرۋشى جانە جەدەل جاردەم بريگادالارى جۇمىلدىرىلدى. بارلىعى 40-تان استام ادام ءتۇرلى جاراقات الىپ، جاقىن ماڭداعى مەديسينالىق مەكەمەلەرگە جەتكىزىلدى. كەيبىر زارداپ شەككەندەردىڭ جاعدايى اۋىر دەپ باعالانۋدا.
ءقازىر اۆتوبۋس جۇرگىزۋشىسىنە ابايسىزدا ادام ولىمىنە اكەپ سوققان ارەكەت بويىنشا ايىپ تاعىلىپ، وقيعانىڭ بارلىق ءمان-جايى انىقتالۋدا. تەرگەۋشىلەر جۇرگىزۋشىنىڭ جىلدامدىق رەجيمىن ساقتاعانىن جانە شارشاۋ فاكتورلارىن دا تەكسەرىپ جاتىر. بۇل اپات اقش-تا بيىلعى جىلى تىركەلگەن ەڭ ءىرى جول-كولىك وقيعالارىنىڭ ءبىرى رەتىندە باعالانىپ وتىر.
-
تراگەديا ۆ كيروۆسكوي وبلاستي: مولودايا جەنششينا پرەدستانەت پەرەد سۋدوم زا جەستوكوە ۋبييستۆو سوبستۆەننوگو رەبەنكا.
-
A devastating multi-vehicle accident on I-95 in Virginia، involving a bus and several cars، resulted in multiple fatalities and injuries، shattering a family's journey to a wedding.
