InfoHub Logo

اقش پرەزيدەنتى دونالد ترامپ ورتالىق قولباسشىلىقتىڭ يراننىڭ حارك ارالىنداعى بارلىق اسكەري نىساندارىن جويىپ، تاياۋ شىعىس تاريحىنداعى ەڭ قۋاتتى بومبالاۋدى جۇزەگە اسىرعانىن حابارلادى.

بۇل تۋرالى Infohub.kz اقپارات اگەنتتىگى حابارلايدى.

«ءبىزدىڭ قارۋىمىز الەمدە بۇرىن-سوڭدى بولماعان ەڭ قۋاتتى جانە جەتىلگەن قارۋ. ءبىراق، ادەپتىلىك ءۇشىن ارالداعى مۇناي ينفراقۇرىلىمىن جويماۋدى ءجون كوردىم. الايدا، يران نەمەسە باسقا بىرەۋ ورمۋز بۇعازى ارقىلى كەمەلەردىڭ ەركىن جانە ءقاۋىپسىز وتۋىنە كەدەرگى كەلتىرەتىن ارەكەتتەر جاساسا، بۇل شەشىمىمدى دەرەۋ قايتا قارايمىن»، - دەپ جازدى اق ءۇي باسشىسى Truth Social جەلىسىندە.

ترامپ سونداي-اق يراننىڭ يادرولىق قارۋعا يە بولا المايتىنىن جانە اقش-قا، تاياۋ شىعىسقا نەمەسە بۇكىل الەمگە ءقاۋىپ توندىرە المايتىنىن اتاپ ءوتتى. ول يران ارمياسىنا جانە وسى لاڭكەستىك رەجيمگە قاتىسى بارلارعا قارۋىن تاستاپ، ەلدەرىنىڭ قالدىعىن ساقتاپ قالۋدى ۇسىندى.

Axios پورتالىنىڭ مالىمەتىنشە، حارك ارالى ارقىلى يراننىڭ مۇناي ەكسپورتىنىڭ شامامەن 90 پايىزى وتەدى، بۇل ونى ەلدىڭ ەنەرگەتيكالىق ينفراقۇرىلىمىنداعى ەڭ ماڭىزدى نىسانداردىڭ بىرىنە اينالدىرادى. The Telegraph گازەتى بۇل ارالدى باسىپ الۋ اقش-قا يرانداعى رەجيمدى باقىلاۋعا مۇمكىندىك بەرەتىنىن، ءبىراق امەريكاندىق اسكەرلەردى قۇرلىققا كىرگىزبەيتىنىن جازعان.