InfoHub Logo

اقتاۋدا اقپان ايىندا اۋا رايى قانداي بولاتىنىن بىلگىڭىز كەلسە، وسى ماقالانى وقىڭىز. ماڭعىستاۋ وبلىسى بويىنشا «قازگيدرومەت» فيليالىنىڭ ماماندارى اقپان ايىنا ارنالعان اۋا رايى بولجامىن ۇسىندى.

بۇل تۋرالى Infohub.kz اقپارات اگەنتتىگى حابارلايدى.

اۋا تەمپەراتۋراسى

ايدىڭ ورتاشا تەمپەراتۋراسى -4،6..+2،6°س ارالىعىندا بولادى دەپ كۇتىلۋدە، بۇل قالىپتى نورمادان 1-2° جوعارى (نورما: -6،2+0،6°س).

ءبىرىنشى ونكۇندىك

ءبىرىنشى ونكۇندىكتە تۇندە تەمپەراتۋرا -1..-6°س-تان 0..+5°س-قا دەيىن، كۇندىز +3..+8°س-تان +8..+13°س-قا دەيىن كوتەرىلەدى. كەيىن تۇندە -4..-9°س-قا، كۇندىز -1..+4°س-قا دەيىن تومەندەيدى.

ەكىنشى ونكۇندىك

ەكىنشى ونكۇندىكتە تۇندە تەمپەراتۋرا -4..+1°س-قا، كۇندىز +4..+9°س-قا دەيىن كوتەرىلەدى. كەيىن قايتادان تۇندە -4..-9°س-قا، كۇندىز -1..+4°س-قا دەيىن تومەندەيدى. ونكۇندىكتىڭ سوڭىندا تەمپەراتۋرا قايتا كوتەرىلەدى.

ءۇشىنشى ونكۇندىك

ءۇشىنشى ونكۇندىكتە تۇندە -4..+1°س-تان +1..+6°س-قا، كۇندىز +6..+11°س-تان +11..+16°س-قا دەيىن كوتەرىلەدى.

جاۋىن-شاشىن

اي بويى جاۋىن-شاشىن مولشەرى قالىپتى دەڭگەيدە بولادى دەپ كۇتىلۋدە (نورما: 7-13 مم). جاۋىن-شاشىن (جاڭبىر، قار) ءبىرىنشى ونكۇندىكتىڭ ورتاسىندا، ەكىنشى ونكۇندىكتىڭ باسىندا كۇتىلەدى. قار، بوران – ءبىرىنشى ونكۇندىكتىڭ سوڭىندا. جاڭبىر ايدىڭ سوڭىندا بولجانۋدا. تۇمان ءبىرىنشى جانە ءۇشىنشى ونكۇندىكتەردىڭ باسىندا بولۋى مۇمكىن. جەلدىڭ جىلدامدىعى 15-20 م/س-قا دەيىن جەتۋى مۇمكىن.

«قازگيدرومەت» فيليالىنىڭ ماماندارى ايلىق اۋا رايى بولجامىنىڭ كەڭەس بەرۋ سيپاتىندا ەكەنىن ەسكەرتتى. كۇندەلىكتى اۋا رايىنىڭ وزگەرىستەرى ۇش-بەس كۇنگە دەيىن اۋىسۋى مۇمكىن، سونداي-اق تەمپەراتۋرانىڭ اۋىتقۋى (+/-5°س) جانە اتموسفەرالىق قۇبىلىستاردىڭ وزگەرۋى مۇمكىن. ايلىق بولجام ونكۇندىك بولجامدارمەن ناقتىلانادى.