InfoHub Logo

اقتاۋداعى قايعىلى وقيعاعا قاتىستى كۇدىكتى رەتىندە اتالعان سۇلتان سارسەمالييەۆتىڭ اكەسى العاش رەت كوپشىلىككە ۇلىنىڭ كىناسىزدىگىن دالەلدەپ، پىكىر ءبىلدىردى. بۇل تۋرالى Infohub.kz اقپارات اگەنتتىگى حابارلايدى.

اكە جۇرەگىنىڭ سەنىمى

سۇلتان سارسەمالييەۆتىڭ اكەسى ساميعوللا سارسەمالى ۇلى الەۋمەتتىك جەلىلەردە تاراعان ۇلىنا قاتىستى ايىپتاۋلارعا نارازىلىعىن ءبىلدىردى. ونىڭ ايتۋىنشا، سۇلتاندى كىنالاعان ءتۇرلى بولجامدار مەن ايىپتاۋلار شامادان تىس كوبەيىپ كەتكەن.

«ءقازىر تەلەفوندى اشساڭىز بولدى، بارلىعى ءبىر ادامدى نىساناعا الىپ، مەنىڭ بالاما جابىلىپ جاتىر. “كۇيەۋ بالاسى ىستەگەن”، “وسى كىنالى” دەگەن سوزدەر ايتىلىپ ءجۇر. شىنىمدى ايتسام، مۇنى سۇلتان جاسادى دەگەن وي ءۇش ۇيىقتاسام دا تۇسىمە كىرمەيدى. ونىڭ بۇل ىسكە قاتىسى جوق ەكەنىنە ءجۇز پايىز سەنەمىن. قوي باۋىزداۋعا دا جۇرەگى داۋالامايتىن ادام مۇنداي قاتىگەزدىككە قالاي بارادى؟ بۇل — كاسىبي مانياك جاسايتىن ارەكەت. ءولتىرىپ، كومىپ، ءىزىن جاسىرۋ — كەز كەلگەن ادامنىڭ قولىنان كەلمەيدى»، — دەيدى ول.

وتباسىلىق بايلانىستار

ساميعوللا سارسەمالى ۇلىنىڭ ايتۋىنشا، قازا تاپقاندار — كۇدىكتىنىڭ تۋعان اتا-ەنەسى بولعان. ونىڭ ۇستىنە، وقيعا كەزىندە سۇلتاننىڭ قاسىندا جۇبايى جۇرگەنىن دە العا تارتتى.

«مارقۇمدار — ونىڭ جاۋى ەمەس، تۋعان اتا-ەنەسى. قاسىندا ايەلى بىرگە جۇرگەن. وسىنداي جاعدايدا ايتىلىپ جاتقان اڭگىمەلەرگە قالاي سەنۋگە بولادى؟ ونىڭ ۇستىنە، مەن — اكەسىمىن. بۇل جاعداي توبەدەن تۇسكەندەي بولدى، نە ايتارىمدى دا بىلمەي قالدىم»، — دەدى ول.

اتالعان ءىس قوعامدا قىزۋ تالقىلانىپ، الەۋمەتتىك جەلىدە ءتۇرلى پىكىر مەن بولجامنىڭ تارالۋىنا سەبەپ بولدى.