Photo: Ayazhan (https://www.pexels.com/@ayazhan-3173683) / Pexels
اقتاۋلىق بلوگەر بالالار لاگەرىندەگى قاۋىپسىزدىك ماسەلەسىن كوتەردى
اقتاۋلىق بەلسەندى ازامات سارسەنبايەۆ «وزەنمۋنايگاز» اق قىزمەتكەرلەرىنىڭ بالالار لاگەرىندەگى دەمالىس ۇيىمداستىرۋ ماسەلەسىنە قاتىستى شاعىمىن جاريالادى. بۇل تۋرالى Lada.kz سايتى حابارلادى.
شاعىمدا «اينالايىن» لاگەرىندە بالالاردىڭ دەمالىسىن ۇيىمداستىرۋ كەزىندە زاڭ بۇزۋشىلىقتار بولۋى مۇمكىن ەكەنى ايتىلعان. لاگەر الماتى مەن استانا قالالارىندا جۇمىس ىستەگەن.
شاعىمدانۋشىلاردىڭ ايتۋىنشا، لاگەردەگى جاعدايدى، ياعني بالالاردىڭ تۇرۋ شارتتارىن، سانيتارلىق جاعدايىن، قاۋىپسىزدىكتى قامتاماسىز ەتۋدى جانە بالالاردى ساۋىقتىرۋ ۇيىمدارىنا قويىلاتىن تالاپتاردىڭ ساقتالۋىن تەكسەرۋدى سۇرايدى.
سونداي-اق، سوڭعى جىلدارى لاگەرگە بەرىلگەن سانيتارلىق-ەپيدەميولوگيالىق قورىتىندىلاردىڭ شىنايىلىعىن جانە رەسمي قۇجاتتاردا كورسەتىلگەن دەرەكتەردىڭ ناقتى جاعدايعا سايكەستىگىن تەكسەرۋ ماسەلەسى كوتەرىلگەن.
بۇعان قوسا، بالالار دەمالىسىن ۇيىمداستىرۋعا جانە باقىلاۋعا جاۋاپتى تۇلعالاردىڭ ارەكەتتەرى مەن شارتتاردىڭ زاڭدىلىعىنا قۇقىقتىق باعا بەرۋدى تالاپ ەتەدى.
قوسا بەرىلگەن ماتەريالداردا بالالاردىڭ تۇرۋ جاعدايى، جيھاز بەن جابدىقتاردىڭ ساپاسى، سونداي-اق بالالاردى ورنالاستىرۋ تارتىبىندەگى ماسەلەلەر كورسەتىلگەن.
ازامات سارسەنبايەۆ بۇل ماسەلە بويىنشا ەشقانداي قۇقىق بۇزۋشىلىقتىڭ بولعانىن راستامايتىنىن، الايدا بۇل جاعدايلاردىڭ ءتيىستى ورگاندار تاراپىنان رەسمي تەكسەرۋدى تالاپ ەتەتىنىن اتاپ ءوتتى.
ەستەرىڭىزگە سالا كەتەيىك، 2026 جىلعى 1 ساۋىردەن باستاپ قازاقستاندا بالالاردى ساۋىقتىرۋ جانە ءبىلىم بەرۋ ۇيىمدارىنا قويىلاتىن جاڭا تالاپتار كۇشىنە ەندى.
-
قازاقستاندىق تەننيسشى يۋليا پۋتينسيەۆا US Open چەمپيونى بيانكا اندرەەسكۋدى جەڭىپ، كومانداسىن بيللي دجين كينگ كۋبوگىنىڭ ىرىكتەۋىندە كانادادان باسىم تۇسۋىنە كومەكتەستى.
-
الماتىداعى بوتكين كوشەسىندەگى ەكى قاباتتى ۇيدە شىققان ءورت كەزىندە 10 جانۋار قۇتقارىلدى. ءورت سوندىرۋشىلەر 4 ەرەسەك مىسىق پەن 6 كۇشىكتى امان الىپ قالدى.
