InfoHub Logo

اقتاۋلىق كونترابانداشىلار توبىنىڭ مۇلىكتەرى مەملەكەتكە ءوتتى. ۇيىمداسقان قىلمىستىق توپتىڭ قارماعىندا بولعان «Meliana» تانكەرى، «Mangystau Oil Refining» مۇناي وڭدەۋ زاۋىتى جانە مىڭداعان توننا جانارماي ەندى مەملەكەت مەنشىگىندە.

بۇل تۋرالى Infohub.kz اقپارات اگەنتتىگى حابارلايدى.

ۇيىمداسقان توپتىڭ ارەكەتى

2025 جىلدىڭ قازان ايىندا ماڭعىستاۋ وبلىسىندا اقتاۋ تەڭىز پورتى ارقىلى مۇنايدى زاڭسىز شىعارۋ ءىسى بويىنشا سوت پروسەسى اياقتالدى. ءىس بويىنشا مۇناي كومپانيالارىنىڭ بەس وكىلى سوتتالدى. ولار ۇيىمداسقان قىلمىستىق توپقا قاتىسىپ، مۇناي ونىمدەرىن ءىرى كولەمدە كونتراباندا جاسادى دەپ ايىپتالدى.

اقتاۋداعى ۇيىمداسقان قىلمىستىق توپ 2022 جىلى قۇرىلعان. ونىڭ قۇرامىندا:

ولار مۇنايدى ەكسپورتتىق شەكتەۋلەر مەن قوسىمشا سالىقتارعا جاتپايتىن «مازۋت» رەتىندە رەسىمدەگەن. بۇل ءۇشىن جالعان قۇجاتتار مەن دەلدال فيرمالاردى پايدالانعان. شىن مانىندە، ولار اقتاۋ پورتى ارقىلى ءازىربايجانعا بەنزين، ديزەل جانە باسقا دا ونىمدەر جاساۋعا بولاتىن قاراپايىم مۇنايدى جونەلتكەن. 2022-2023 جىلدارى «Meliana» تانكەرى ارقىلى وسىلايشا 2،1 مىڭ توننادان استام شيكىزات شىعارىلعان.

ۇيىمداسقان توپتىڭ ينفراقۇرىلىمى مەملەكەتكە ءوتتى

16 ساۋىردە مەملەكەتتىك اۋكسيون سايتى ارقىلى «Meliana» تانكەرى، «Mangystau Oil Refining» مۇناي وڭدەۋ زاۋىتى جانە ونداعى مۇناي ونىمدەرى ساتىلىمعا شىعارىلدى. وسى مۇناي ينفراقۇرىلىمىنىڭ بارلىعى مەملەكەتكە وتكەن. زاۋىت جەرىمەن، عيماراتتارىمەن جانە جابدىقتارىمەن قوسا 6،8 ميلليارد تەڭگەگە باعالانعان.

1995 جىلى نيدەرلاندىدا شىعارىلعان «Meliana» تانكەرى 1،6 ميلليارد تەڭگەگە باعالاندى. ول اقتاۋ پورتىندا تۇراقتالعان. سونىمەن قاتار، مەملەكەتكە كونترابانداشىلار ساتۋعا ۇلگەرمەگەن مۇناي ونىمدەرى دە تيەسىلى بولدى: بەنزيندەلگەن مۇناي، ديزەل جانە مازۋت قۇنى 724 ميلليون تەڭگەگە باعالاندى.

مەملەكەتكە كەلتىرىلگەن شىعىن

قارجى ساراپتاماسىنىڭ ەسەپتەۋىنشە، ءبىر ەپيزودتىڭ وزىندە مەملەكەتكە كەلتىرىلگەن شىعىن:

سوت ۇيىمداسقان توپتىڭ مەملەكەتكە كەلتىرگەن جالپى شىعىنى 1،16 ميلليارد تەڭگەدەن اسقانىن، ال بيۋدجەتتىڭ قوسىمشا 320 ميلليون سالىقتى الماعانىن انىقتادى. ۇيىمداسقان توپتىڭ پايداسى جالعان شوتتار ارقىلى بولىنگەن.

ەستەرىڭىزگە سالا كەتەيىك، ۇكىم 2025 جىلدىڭ 26 قىركۇيەگىندە جاريالاندى. بەس ايىپتالۋشى – مەلكۋموۆ، قىستاۋبايەۆ، رامازانوۆ، رايگورودسكيي جانە كەنجەبەكوۆ – قىلمىستىق كودەكستىڭ 262-بابىنىڭ 2-بولىگى («ۇيىمداسقان توپقا قاتىسۋ») جانە 234-بابىنىڭ 3-بولىگى، 2-تارماعى («ەرەكشە ءىرى كولەمدە كونتراباندا جاساۋ») بويىنشا كىنالى دەپ تانىلدى.