اقتوبەدە جول قاۋىپسىزدىگى ورتالىعىنىڭ باسشىسى 8 جىلعا سوتتالدى
اقتوبەدە جول قوزعالىسى جانە سيفرلىق قاۋىپسىزدىك سالاسىنا جاۋاپتى مەكەمە باسشىسى اسا ءىرى كولەمدە بيۋدجەت قارجىسىن جىمقىرعانى ءۇشىن باس بوستاندىعىنان ايىرىلدى.
سىبايلاس جەمقورلىققا قارسى قىزمەتتىڭ مالىمەتىنشە، «اقتوبە قالاسىنىڭ جول قوزعالىسى جانە سيفرلىق تەحنولوگيالار قاۋىپسىزدىگىن قامتاماسىز ەتۋ ورتالىعى» كمم ديرەكتورى ا. تىلماعامبەتوۆ جەكە كاسىپكەرمەن ءسوز بايلاسىپ، جالعان مەملەكەتتىك ساتىپ الۋ شارتىن جاساسقان. سالدارىنان، ورىندالماعان جۇمىستار ءۇشىن 35 ميلليون تەڭگە زاڭسىز تولەنگەن.
ودان بولەك، كۇدىكتى جول تاڭبالارىن سالۋ جۇمىستارى بويىنشا دا زاڭ بۇزا وتىرىپ، 237 ملن تەڭگە بيۋدجەت قارجىسىن ىسىراپ ەتكەن. بۇل قاراجات كەپىلدىك مىندەتتەمەلەر اياسىندا تەگىن ورىندالۋى ءتيىس ەدى.
اقتوبە قالاسىنىڭ №2 سوتى تىلماعامبەتوۆتى 8 جىلعا باس بوستاندىعىنان ايىرىپ، مەملەكەتتىك قىزمەتتەن ءومىر بويىنا شەتتەتتى. ونىڭ سىبايلاسى ا. كۋسۋموۆ تا 7 جىلعا سوتتالىپ، كوممەرسيالىق جانە مەملەكەتتىك ۇيىمداردا قىزمەت ەتۋ قۇقىعىنان ايىرىلدى.
ايتا كەتۋ كەرەك، ۇكىم زاڭدى كۇشىنە ەنگەن جوق. كونستيتۋسيا تالاپتارىنا سايكەس، ازامات سوتتىڭ زاڭدى ۇكىمى شىققانعا دەيىن كىناسىز دەپ تانىلادى.
You Might Also Like
-
شەرزات بولاتتىڭ ولىمىنە قاتىستى ءىس قارالىپ جاتقان سوت وتىرىسىندا مارقۇمنىڭ اعاسى نۇرقانات عايىپبايەۆتىڭ ۇيالى تەلەفونى ۇرلانعانى بەلگىلى بولدى.
-
شىمكەنت قالاسى اكىمىنىڭ ورىنباسارى رۋسلان بەردەنوۆكە جاسالعان قارۋلى شابۋىلدان كەيىن شەنەۋنىككە شۇعىل تۇردە وتا جاسالىپ جاتىر. بۇل تۋرالى ونىڭ پارتيالاسى بەيبىت الىبەكوۆ Telegram-ارناسىندا حابارلادى.
