tengrinews.kz
اقتوبەدە وبلىس اكىمدىگى عيماراتىندا ءورت شىقتى
اقتوبە قالاسىنداعى وبلىس اكىمدىگى عيماراتىندا ءورت شىقتى. وقيعا كەشكىسىن، 7 ساۋىردە بولدى. توتەنشە جاعدايلار مينيسترلىگىنىڭ (تجم) حابارلاۋىنشا، ءورت سوندىرۋشىلەر اقتوبە قالاسىنداعى ابىلحايىر حان داڭعىلىندا ورنالاسقان 6 قاباتتى اكىمشىلىك عيماراتىنىڭ شاتىرىنداعى ءورتتى جويۋعا كىرىستى.
بۇل تۋرالى Infohub.kz اقپارات اگەنتتىگى حابارلايدى.
ءورتتى ءسوندىرۋ جۇمىستارى
تجد كۇشتەرى مەن قۇرالدارى وقيعا ورنىنا 5 مينۋت ىشىندە جەتكەن. ءورتتى ءسوندىرۋ ءۇشىن ارنايى تەحنيكالار مەن ءورت سوندىرۋشىلەر جۇمىلدىرىلدى. ءورتتىڭ اشىق جالىنى بايقالعان. قازىرگى ۋاقىتتا ءورتتى تولىق جويۋ ءۇشىن بارلىق شارالار قابىلدانىپ، سۋمەن قامتاماسىز ەتۋ جۇمىستارى جۇرگىزىلۋدە. ادامداردى ەۆاكۋاسيالاۋ شارالارى دا جۇرگىزىلدى.
قازا بولعاندار مەن زارداپ شەككەندەر تۋرالى اقپارات
تجم باسپا ءسوز قىزمەتىنىڭ حابارلاۋىنشا، وقيعا ورنىندا جەدەل شتاب قۇرىلعان. قازىرگى ۋاقىتتا قازا بولعاندار مەن زارداپ شەككەندەر تۋرالى اقپارات كەلىپ تۇسپەگەن. ءورتتىڭ اۋماعى انىقتالۋدا.
كەيىنىرەك تجم ءورتتىڭ اۋىزدىقتالعانىن حابارلادى. ءسوندىرۋ جۇمىستارى جالعاسۋدا.
-
A heartwarming act of kindness by a Kazakh driver assisting a French family cycling through the region has gone viral، showcasing the hospitality of the Kazakh people.
-
A fire broke out on the roof of the six-story regional administration building in Aktobe، prompting immediate evacuation and firefighting efforts.
