InfoHub Logo

اقتوبەدە «ياندەكس.تاكسي» ارقىلى جولعا شىققان ايەل جول اپاتىنان زارداپ شەكتى. وقيعا سالدارىنان ايەلدىڭ قابىرعاسى سىنعان. بۇل تۋرالى «دياپازون» باسىلىمىنا سىلتەمە جاساپ Infohub.kz اقپارات اگەنتتىگى حابارلايدى.

جاس اقتوبەلىك ايەل ۇلىمەن بىرگە «ياندەكس.تاكسي» قوسىمشاسى ارقىلى كولىك شاقىرعان. ولاردى 27 جاستاعى تاكسي جۇرگىزۋشىسى Chevrolet Cobalt اۆتوكولىگىمەن تاسىمالداعان. نەرەگۋليرۋەمىي قيىلىستان وتكەن كەزدە جۇرگىزۋشى باسقا كولىككە جول بەرمەي، سوقتىعىسقان. اپات ورنىنان تاكسي جولاۋشىسى اۋرۋحاناعا جەتكىزىلگەن. سوققىدان ايەلدىڭ ءۇش قابىرعاسى سىنعان.

جول ەرەجەسىن بۇزعانى ءۇشىن سوتقا تارتىلدى

جول ەرەجەسىن بۇزعانى ءۇشىن تاكسي جۇرگىزۋشىسى سوتقا تارتىلدى. وعان ق ر قك-نىڭ 345-بابى (ادام دەنساۋلىعىنا اۋىر نەمەسە ورتاشا اۋىرلىقتاعى زيان كەلتىرۋگە نەمەسە ادام ولىمىنە اكەپ سوققان جول ءجۇرىسى نەمەسە كولىك قۇرالدارىن پايدالانۋ قاعيدالارىن بۇزۋ) بويىنشا ايىپ تاعىلدى.

جۇرگىزۋشى جول ەرەجەسىن بۇزعانىن تولىق مويىنداپ، جابىرلەنۋشىگە دارى-دارمەك پەن مەديسينالىق قىزمەتكە كەتكەن شىعىندارىن وتەگەنىن ايتتى. ول وتباسىندا جالعىز اسىراۋشى ەكەنىن، ايەلى ەپيلەپسيامەن اۋىراتىنىن العا تارتىپ، قاتاڭ جازالاماۋدى سۇرادى.

مورالدىق شىعىن تالابى

سوتتا جابىرلەنۋشى ايەل تاكسيدە العان جاراقاتىنان ۇزاق ۋاقىت بويى قوزعالا الماي، دەم الا الماي، تاماقتانا الماي قينالعانىن ايتتى. ونىڭ ايتۋىنشا، ەكى اي بويى جۇمىس ىستەي الماعاندىقتان، نەسيەلەرىن تولەۋ ءۇشىن العان قارىزدارى كوبەيىپ قالعان. ايەل كىنالى تاراپتان مورالدىق شىعىن رەتىندە 500 مىڭ تەڭگە ءوندىرىپ بەرۋدى تالاپ ەتتى.

سوت تاكسي جۇرگىزۋشىسىن 80 ساعاتتىق قوعامدىق جۇمىسقا تارتۋ جانە ءبىر جىلعا جۇرگىزۋشى كۋالىگىنەن ايىرۋ تۋرالى ۇكىم شىعاردى. سونداي-اق، سوت كىنالى تاراپتى جابىرلەنۋشى جولاۋشىعا مورالدىق شىعىن رەتىندە 500 مىڭ تەڭگە تولەۋگە مىندەتتەدى.