سوڭعى جاڭارتۋ

(وزگەرتىلگەن ۋاقىتى 5 كۇن بۇرىن)
اقيقاتتىڭ اقىنى /م. شاحانوۆتىڭ شىعارماشىلىعىنا ارنالعان ادەبي - سازدى كەش/
اقيقاتتىڭ اقىنى
/م. شاحانوۆتىڭ شىعارماشىلىعىنا ارنالعان ادەبي - سازدى كەش/

1 - جۇرگىزۋشى: - ارمىسىزدار، ۇستازدار مەن وقۋشىلار!
2 - جۇرگىزۋشى: - قايىرلى كۇن، اعايىن!

1 - جۇرگىزۋشى: - حالقىمىز اقىننان كەندە بولعان ەمەس. سوناۋ ءحۇ عاسىرداعى جاۋجۇرەك جىراۋلاردان باستاپ بۇگىنگى كۇنگى پوەزيا الەمىنە كوز سالساق، قازاق حالقىنىڭ بۇكىل اقىل - ويى، سەنىم تۇيسىگى، شاتتىعى مەن قايعىسى، جەڭىسى مەن جەڭىلىسى ەڭ الدىمەن، اقىن جۇرەگىنە جينالعانى بايقالادى. ولار ءوز وتانىن سوزبەن عانا ەمەس، ىسپەن دە، قارۋمەن دە قورعادى.

2 - جۇرگىزۋشى: - وسىنداي جىراۋلارىمىزدىڭ قاتارىندا قازتۋعان، اقتامبەردى، ۇمبەتەي، بۇقار، ماحامبەتتەردى ايتاتىن بولساق، قازىرگى زامانىمىزداعى اقيقاتتى اشىنا ايتار اقىندارىمىزدىڭ قاتارىندا مۇحتار شاحانوۆتى اتاپ وتۋگە بولادى.

1 - جۇرگىزۋشى؛ - ادام مەن قوعام وزگەرگەن زاماندا اقيقاتتى ايتۋعا، بابالارىمىزدىڭ «باس كەسپەك بولسا دا، ءتىل كەسپەك جوق» دەگەن قاعيداسىن بەرىك ۇستانىپ، قوعامنىڭ، ۇكىمەتتىڭ، باسشىلاردىڭ كەمشىلىكتەرىن دەر كەزىندە بايقاپ، ۇلكەن ازاتتىق تانىتىپ جۇرگەن اقىندارىمىزدىڭ بىرەگەيى – مۇحتار شاحانوۆ.

2 - جۇرگىزۋشى: - بۇل كۇندە ازاتتىعى مەن پوەزياسىن بۇكىل الەم مويىنداعان مۇحتار شاحانوۆتىڭ شىعارماشىلىعىنا ارنالعان «اقيقاتتىڭ اقىنى» اتتى ادەبي - سازدى كەشىمىزگە حوش كەلدىڭىزدەر!

1 - جۇرگىزۋشى: - مۇحتار اعامىزدىڭ پوەزياسىنا كەزەك بەرمەستەن بۇرىن، الدىمەن اقىن اعامىزدىڭ ومىرىمەن كىشكەنە تانىسىپ الايىق.
2 - جۇرگىزۋشى: - ولاي بولسا ءسوز كەزەگىن 5 - سىنىپ وقۋشىلارىنا بەرەيىك.

1 - جۇرگىزۋشى: - بىلەسىڭ بە، ساعىنىش! «مۇحتار» ءسوزى اراب تىلىنەن اۋدارعاندا ازات، ءبىلىمدى، تاڭداۋلى دەگەن ماعىنالاردى بىلدىرەدى ەكەن.
2 - جۇرگىزۋشى: - وندا مۇحتار اعامىز اتىنا زاتى ساي ازامات بولىپ وسكەن دەسەك قاتەلەسپەيمىز عوي؟

1 - جۇرگىزۋشى: - ارينە، قاتەلەسپەيمىز! قازاق حالقى ىرىمشىل حالىق قوي! زامانىمىزدىڭ
زاڭعار جازۋشىسى مۇحتار اۋەزوۆتىڭ «اباي جولى» رومانى العاش جارىق كورگەن جىلى دۇنيەگە كەلگەن سابيىنە «مۇحتار اۋەزوۆتەي دانا بولسىن» دەگەن ىرىممەن اكەسى بالاسىنىڭ ەسىمىن مۇحتار قويعان ەكەن.

2 - جۇرگىزۋشى: - ەندەشە، اقىننىڭ ءوزىنىڭ اتىنىڭ قالاي قويىلعانىن سىر شەرتەتىن «مەنى نەگە مۇحتار قويعان؟» اتتى ولەڭىن ءومىرزاقوۆا ءبيبىنازدىڭ وقۋىندا تىڭدايىق.
مۇحتار شاحانوۆتىڭ سوزىنە جازىلعان ەسكەندىر حاسانعالييەۆتىڭ «اينالايىن» ءانىن قابىل الىڭىزدار. ورىندايتىندار مەكتەبىمىزدىڭ جاس مۇعالىمدەرى ينديرا مەن نۇرداۋلەت

1 - جۇرگىزۋشى: «بالا كەزىمنەن باستاپ اكەم مەنى الدىنا الىپ وتىرىپ، وتىراردى قورعاعان ۇلى بالالاردىڭ قايسار – قايپاس ەرلىگى مەن شىڭعىس حاننىڭ زوبالاڭى تۋرالى سان رەت اڭگىمەلەيتىن. انامنىڭ «بالا ءالى جاس قوي تۇسىنە قويار دەيمىسىڭ» دەگەنىنە اكەم «جوق، تۇسىنۋگە ءتيىس، تۇسىنبەسە وزىنە قيىن. تامىرىن تەرەڭگە جىبەرە الماعان داراقتىڭ عۇمىرى كەلتە» دەيتىن. مەنىڭ بىرنەشە دۇركىن وتىرار جايلى جازۋىم بار» دەيدى اقىن. بۇلاي جازۋىما تۋرا كەلسە، وسىنىڭ بارلىعى اكە ءسوزىنىڭ ماعان بەرگەن اسەرى» دەيدى اقىن.

2 - جۇرگىزۋشى: - ەندەشە، جەڭىلگەن جەڭىمپاز حاندىعى «وتىرار» داستانى نەمەسە «شىڭعىسحاننىڭ قاتەلىگى» شىعارماسىنان كورىنىس تاماشالاڭىزدار.
5 - سىنىپ وقۋشىلارى «وتىرار» شىعارماسىنان كورىنىس
ويان، قايىر باباتايىم، قاسىرەتىم، قىمباتتىم!
سان الاپات تاسىردان سوڭ،
تاسىر داۋىل باسىلعان سوڭ،
جەتى جارىم عاسىردان سوڭ،
ءوزىڭدى ىزدەپ ءتىل قاتتىم.
امان قاپتى باتىر ارمان وتقا ورانعان
وتىراردان
قاشىپ شىققان سول باياعى بالادان
بۇل كۇندەرى ساناتتى ۇرپاق تاراعان.
ءداۋىرىنىڭ قاناتىندا سامعاعان
سول ۇرپاقتان شىققان اقىن مەن بولام!

2 - جۇرگىزۋشى: ن. تىلەندييەۆتىڭ انىنە جازىلعان مۇحتاردىڭ ولەڭى «اكە تۋرالى جىر» ءانىن قابىل الىڭىزدار.
ورىندايتىن........................................
1 - جۇرگىزۋشى:- اقىننىڭ العاشقى ولەڭدەرى تۋعان جەرىنە، وتانىنا ارنالىپتى. ەندى وسى ولەڭدەرىنە كەزەك بەرەيىك!
«ءتورت ساۋلە بار» ولەڭىن وقيتىن الىبەكوۆ باعىلان
«تامىرسىزدىق ءقاۋپىنىڭ تۇجىرىمداماسى» ولەڭى وقيتىن................................
2 - جۇرگىزۋشى: «مەن قانشاما جىل وتسە دە بىرنەشە اعالار تۋرالى قالىپتاسقان سەنىم - تۇيسىگىمە قىلاۋ تۇسپەيتىندىگىمە سەنىمدەمىن. مەنىڭ تاعدىرىما ەرەكشە اسەر ەتكەن جان - تولەگەن ايبەرگەنوۆ. سودان كەيىن ءشامشى قالداياقوۆ. ەكەۋىمىز ءبىر توپىراقتىڭ پەرزەنتى بولعان سوڭ بىرگە جۇردىك. شىمكەنتتە بولعاندا ءشامشى ۋاقىتىنىڭ كوپ بولىگىن ءبىزدىڭ ۇيدە وتكىزگەن. ول ماعان رۋحاني اعا، دوس، ءارى تۋىس بولىپ كەتتى. مەنىڭ انام مارقۇم سۇراعاندا «مەنىڭ ءۇش ۇلىم بار، ءبىرىنشىسى – ءشامشى، ەكىنشىسى – تولەگەن، كىشىسى - مۇحتار،»- دەپ جاۋاپ بەرەتىن. بىردە دىنمۇحامەد قونايەۆ مارقۇم ۇيدە بولعاندا «جەڭەشە - اۋ قازاقتىڭ ءۇش مىقتىسىن ءبىر ءوزىڭىز دۇنيەگە اكەلگەن ەكەنسىز»دەپ قالجىڭدايتىن. ونى ەكى ادام مەنىڭ ومىرىمە ۇلكەن شۋاق ءتۇسىردى» دەيدى مۇحتار شاحانوۆ.

1 - جۇرگىزۋشى: «ۆالس كورولى»اتانعان ءشامشى اعامىزدىڭ اندەرىنىڭ ءوزى ءبىر توبە. ال اندەرگە ولەڭ جازعان مۇحتار اعامىزدىڭ ولەڭدەرى ءبىرشاما! اتاپ ايتساق، «اق بانتيك»، «تۋعان كۇن كەشىندە»، « ارىس جاعاسىندا»، «قۋانىش ءۆالسى»، ت. ب.

1 - جۇرگىزۋشى: - ولاي بولسا وسى اندەرىنىڭ ءبىرىن تىڭدارمان قاۋىمعا تارتۋ ەتەيىك.
م ۇحتار شاحانوۆتىڭ سوزىنە جازىلعان ءشامشى ءقالداياقوۆتىڭ ءانى «تۋعان كۇن كەشىندە». ورىندايتىن -......................................
2 - جۇرگىزۋشى:- م. شاحانوۆ – تابيعاتىنان قايسارلىعى باسىم اقىن. اشىنعان جۇرەك، اقىرعان اشۋ، قان جىلاعان قايعىنى مەزگىل - مەكەنسىز ولەڭنىڭ وزەگىنە يتەرە المايدى. سوعان اكەلگەن جاعداي مەن زاماندى، تاريح پەن تاعدىردى بايانداپ، تۇتاس ءبىر ءومىر كەلبەتىن جاسايدى.
1 - جۇرگىزۋشى: قوعام تىرشىلىگىن مايدانعا تەڭەسەك، مۇحتار اعا ەڭ الدىڭعى شەپتە، وقتىڭ وتىندە ولىمگە باس تىككەن جانكەشتى جاۋىنگەر ەدى.
«ار ۇجدان – ادامدىق ولشەمى» ولەڭىن وقيتىن....................................
1 - جۇرگىزۋشى: «دوستىق – شىن مانىندە ماحابباتپەن تەڭ تۇراتىن قاسيەت. ول ەرەكشە قابىلەتتى، ەرەكشە تالانتتى، ەرەكشە جانكەشتىلىكتى تالاپ ەتەدى. ساقتار داۋىرىندە ومىردە ءبىر دوسى جوق ادامدى ادام دەپ ەسەپتەمەگەن. ويتكەنى، دوسقا وسالدىق ەتكەن ادامداردىڭ بارلىعى باسقا ماسەلەدە دە وسالدىق ەتەدى دەپ ەسەپتەگەن» – دەيدى اقىن.
2 - جۇرگىزۋشى:
دوستىق دەگەن ىزگىلىكتىڭ الاڭى،
وعان كۋا عاسىرلار مەن زاماندار.
وتانىندا ساتىپ كەتە الادى،
قيىن شاقتا دوسىن ساتقان ادامدار.
ولاي بولسا، دوستىق ولكەسىنىڭ زاڭىن بيىك ۇستايىق.

You Might Also Like

جاڭالىقتار

جارناما