جول قايدا اقيقاتقا اپاراتىن؟
ەل قايدا اقيقات دەپ اتالاتىن؟
ايلاكەر، ارامزالار، الاياقتار،
اياعى كوكتەن كەلىپ، ماتالاتىن؟
سول ەلدە ادامعا ادام - دوس باۋىر ما؟
ادامعا اق جانىندى توسقانىنششا،
اق كوڭىلدەر توعىسىپ، اق ارنادا،
اعا الا ما، كەزدەسپەي توسقاۋىلعا؟
شومىلىپ اقيقاتتىڭ وزەنىندە،
شىنىعا ما، شىندىقتىڭ ءوز ەلىندە؟
جالعىز ءتۇيىر ارامدىق جوق تا شىعار،
ادامداردىڭ ساناسى، وزەگىندە؟
اتىمەنەن جوق بولار وسەك دەگەن،
قىلعا ءتىزىپ قىلتاناق ەسەپتەگەن؟
اتپايتىن دا شىعار-اۋ ءبىرىن-بىرى
وقپەن، تاسپەن نەمەسە كەسەكپەنەن.
الاۋىزدىق اكەلگەن ادامدارعا،
وندا ورىن جوق شىعار ارامدارعا؟
بار بولسا ەگەر، سۇرەدى ءقايتىپ ءومىر،
اقيقاتتىڭ سۇڭگىسى قادالعاندا!
اقيقاتتىڭ اۋىلى - ۇلى وتانىم.
اتقىزىپ تۇر شىندىقتىڭ قۇلا تاڭىن.
اقيقاتتىڭ جولىنان تايىپ كەتسەم،
ءالدىنا كەپ جۇگىنەم، سىناتامىن...
He دەسە دە ۇلى وتان ۇناعامىن.

---