InfoHub Logo

بال اراسى ءومىر بويى ءبىر شاي قاسىعىنىڭ 12 دە ءبىرىن عانا وندىرەدى! ەڭبەكقورلىعىمەن تانىمال بال ارالارى، بال ءوندىرۋ كەزىندەگى ءجۇرىپ وتكەن شاقىرىمدار، بىر-بىرىمەن بايلانىس قابىلەتتەرى، قورعانۋ جۇيەلەرى، ءوزارا كومەكشىل ەرەكشەلىكتەرىمەن نازار تارتادى. بال ارالارى «انالىق ارا»، «جۇمىسشى ارا»، «ەركەك ارا» بولىپ، بىر-بىرلەرىنىڭ مىندەتتەرىن ىستەي المايتىن ءۇش تۇردەن قۇرالادى.

42 كۇن ءومىر سۇرەتىن جۇمىسشى ارالار، العاشقى 21 كۇن بويى ارا ۇيالارىنىڭ ىشىندە قىزمەتشى ارا رەتىندە تازالىق جاسايدى، انالىق ارا مەن بالا ارالاردىڭ قورەكتەنۋى، ارا ءسۇتىنىڭ ءبولىنۋىن، بالدىڭ ءپىسىپ جەتىلۋىن، ارا ۇياسىن جاساۋ جانە ارا ۇياسىنا كۇزەتشىلىك سياقتى مىندەتتەردى اتقارادى. ال قالعان 21 كۇن ىشىندە سىرتقى قىزمەتشى ارا رەتىندە نەكتار، گۇل توزاڭى، سۋ جانە بالاۋىزداردى (پروپوليس) جينايدى.  

ارالاردىڭ كەيبىر تۇرلەرى 5-7 جىل ءومىر سۇرە الادى. ۇزاق ءومىر سۇرەتىندەر ۇياسىندا ارا سۇتىمەن ازىقتانادى. ادامدار دا بال جانە ارا سۇتىمەن ازىقتانسا، قاتەرلى ىسىكتەن باستاپ كوپتەگەن اۋرۋلارعا قارسى يممۋنيتەت جۇيەسىن كۇشەيتەدى.

ارا ءسۇتى يممۋنيتەت جۇيەسىن كۇشەيتەدى. ونىڭ قۇرامىندا ا،D6، E6، K6، H جانە ۆ دارۋمەندەرى بار. قۇرامىندا HDA-10 دەپ اتالاتىن زات الماسۋدى كۇشەيتەتىن فەرمەنتتەر بار. ارانىڭ سۇتىندە 22 ءتۇرلى امينو قىشقىلى بار. بالالاردىڭ سۇيەكتەرىنىڭ دامۋى ءۇشىن جانە جاقسى ءومىر ءسۇرۋ ءۇشىن قاجەت. قاتەرلى ىسىكتەن قورعايدى جانە جۇرەك-قان تامىرلارىن قۋاتتاندىرادى. تامىر بىتەلۋى جانە قاتايۋىنىڭ الدىن الادى جانە قان قىسىمىن تۇسىرەدى.

ارا ءسۇتى ەستە ساقتاۋ قابىلەتىن ارتتىرادى جانە ۇمىتشاقتىقتى كەتىرەدى. السگەيمەر اۋرۋىنا قارسى جاقسى اسەر ەتەدى. قاننىڭ قۇرامىنداعى شەكەر دەڭگەيىن تۇسىرەدى جانە رەتتەيدى. جاسۋشالاردى جاڭالايدى جانە تەرى اۋرۋلارىنا جاقسى اسەر ەتەدى. بالالاردىڭ مي دامۋىنا كومەكتەسەدى. اس قورىتۋ جۇيەسىن رەتكە كەلتىرىپ، استىڭ ءسىڭۋىن جەڭىلدەتەدى. اللەرگيانىڭ الدىن الادى.

ارا ءسۇتىنىڭ انتيباكتەريالىق قاسيەتى بار. ۇيقىسىزدىقتى قالپىنا كەلتىرەدى. حولەستەريننىڭ دەڭگەيىن ءتۇسىرىپ، قالپىنا كەلتىرەدى. بۇلشىق ەتتەردىڭ جاقسى جۇمىس ىستەۋىنە كومەكتەسەدى. حيميا تەراپيادان زيان كورگەن جەرلەردى ەمدەيدى.

---