tengrinews.kz
ارال تەڭىزىنە سۋ قايتا ورالۋدا: ماقسات – سولتۇستىك ارالدى قۇتقارۋ
ارال تەڭىزىنە سۋ قايتا ورالىپ، مالى ارالدىڭ كولەمى 23 ميلليارد تەكشە مەترگە جەتتى. بۇل جاعىمدى جاڭالىقتى Almaty.tv ارناسى تاراتتى.
قازىرگى تاڭدا اقلاق گيدروتورابى ارقىلى سەكۋندىنا 50 تەكشە مەتر سۋ كەلىپ وتىر. جىل سوڭىنا دەيىن قورعانىس بوگەتىن نىعايتىپ، سولتۇستىك ارالدى قۇتقارۋ جوباسىنىڭ جاڭا كەزەڭىن باستاۋ جوسپارلانۋدا.
بالىق شارۋاشىلىعىنا ءۇمىت
«سۋدىڭ تۇزدىلىعى ايتارلىقتاي ارتتى. بۇرىن تۇزدىلىق از ەدى. ەندى بالىقتىڭ تىرشىلىك ەتۋىنە مۇمكىندىك تۋدى. سۋدىڭ كەلۋى وسى قارقىنمەن تۇراقتى ساقتالادى دەپ ۇمىتتەنەمىن»، - دەيدى قاراتەرەڭ اۋىلىنىڭ تۇرعىنى ءازىمباي جولمىرزايەۆ.
«بوگەن اۋىلىندا شامامەن 200 وتباسى تۇرادى، ولاردىڭ ءارقايسىسىندا دەرلىك بالىقشى بار. اۋىل تۇرعىندارىنىڭ ءال-اۋقاتى تىكەلەي تەڭىزگە بايلانىستى، سوندىقتان بارلىعى ارالدىڭ تولىعۋىن اسىعا كۇتۋدە»، - دەيدى بوگەن اۋىلىنىڭ تۇرعىنى تورەحان ءدىلجانوۆ.
ەكونوميكالىق جانە الەۋمەتتىك جوبالار
مالى ارالدا جىل سايىن 8 مىڭ تونناعا دەيىن بالىق وندىرىلەدى. ماماندار بۇل ناتيجەگە تەڭىزدى ساقتاۋ بويىنشا جۇرگىزىلگەن كوپ جىلدىق جۇمىستاردىڭ ارقاسىندا قول جەتكىزگەنىن ايتادى. 2022 جىلى كوكارال بوگەتىن قايتا جاڭارتۋ جۇمىستارى باستالعان بولاتىن. جوندەۋ جۇمىستارى اياقتالعاننان كەيىن تەڭىزدى تۇراقتى سۋمەن قامتاماسىز ەتۋ مۇمكىندىگى پايدا بولادى. بۇل ءوز كەزەگىندە ەكونوميكالىق جانە الەۋمەتتىك جوبالاردى دامىتۋعا جول اشادى.
«وزبەكستان، تاجىكستان، قىرعىزستان جانە قازاقستان سۋ رەسۋرستارى مينيسترلەرى ورتالىق ازيالىق مەملەكەتتەر باسشىلارىنىڭ كەزدەسۋىندە قول قويعان كەلىسىم جاقسى ءرول اتقاردى. سول كەزدە كەلەتىن سۋ كولەمىن مەملەكەتتەر اراسىندا تەڭ ءبولۋ تۋرالى شەشىم قابىلدانعان ەدى. ءقازىر ءبىز ءوز ۇلەسىمىزدى تولىق پايدالانىپ وتىرمىز»، - دەيدى «قىزىلوردا سۋشار» وندىرىستىك ۋچاسكەسىنىڭ باسشىسى جورابەك نۇرىمبەتوۆ.
-
مولودوي بلوگەر سابينا پرەدستاۆيلا نوۆۋيۋ پەسنيۋ «كوزىمە قارا»، ۆىزۆاۆ نەودنوزناچنۋيۋ رەاكسيۋ ۋ اۋديتوريي. منەنيا رازدەليليس.
-
The North Aral Sea is showing signs of recovery، with water volume reaching 23 billion cubic meters، offering hope for local communities and the fishing industry.
