Photo: Allan Ramirez (https://www.pexels.com/@allan-ramirez-1089921178) / Pexels
ارحەولوگتار 6200 جىل بۇرىن ارىستان شابۋىلىنان امان قالعان بالانىڭ قاڭقاسىن تاپتى
بولگاريادا ارحەولوگتار 6200 جىل بۇرىن ارىستان شابۋىلىنان امان قالعان بالانىڭ قاڭقاسىن تاپتى. بۇل تابىلعان قاڭقا ەجەلگى قوعامنىڭ ءومىر ءسۇرۋ سالتىن كورسەتەدى.
بۇل تۋرالى Infohub.kz اقپارات اگەنتتىگى حابارلايدى.
تاريحي جاڭالىق
تەڭىز جاعالاۋىنا جاقىن كونە قورىمنان تابىلعان سۇيەك يەسى 16-18 جاس شاماسىنداعى جاس جىگىت بولعان. عالىمدار ونىڭ باس سۇيەگى تەسىلىپ-جانشىلعانىن، اياق-قولى مەن يىعىندا دا اۋىر جاراقات ىزدەرى بارىن انىقتاعان. ەڭ قىزىعى — سۇيەكتەردەگى جازىلۋ بەلگىلەرىنە قاراعاندا، ءجاسوسپىرىم شابۋىلدان كەيىن بىردەن ولمەي، بىرنەشە اي ءومىر سۇرگەن. بۇل ونىڭ قاۋىمداستىعى كۇتىم جاساپ، اسىراپ-باعىپ وتىرعانىن كورسەتەدى.
جىرتقىشتىڭ شابۋىلى
زەرتتەۋشىلەر جاراقاتتىڭ قارۋدان نە وپەراسيادان ەمەس، «ءىرى جىرتقىشتان» بولعانىن ايتادى. بولجام بويىنشا، وعان ەجەلگى ارىستان شابۋىل جاساعان. ول كەزدەيسوق كەزدەسىپ قالعان كەزدە جارالانعان با، الدە ارىستان اۋلاۋعا شىققاندا العان جاراقاتى ەكەنى بەلگىسىز.
جەرلەۋ ءراسىمى
ارحەولوگتاردى تاڭعالدىرعان تاعى ءبىر جايت — جەرلەۋ ءتاسىلى. جاس جىگىت بۇك ءتۇسىپ جاتقان قالىپتا كومىلگەن، قاسىنا ەشقانداي بۇيىم قويىلماعان، ال ءقابىرى وزگەلەردەن تەرەڭ قازىلعان. عالىمدار مۇنى ەكى ءتۇرلى تۇسىندىرەدى: ءبىرىنشىسى، ونىڭ الەۋمەتتىك مارتەبەسى تومەن بولۋى مۇمكىن. ەكىنشىسى، شابۋىلدان كەيىنگى جاراقات سالدارىنان سىرت كەلبەتى وزگەرىپ، قاۋىم ونى «ءقاۋىپتى» دەپ قابىلداپ، تەرەڭىرەك جەرلەگەن بولۋى ىقتيمال.
-
دونالد ترامپ رەسەي پرەزيدەنتى ۆلاديمير ءپۋتيندى ۇستاۋ وپەراسياسىن قاجەت دەپ سانامايتىنىن ايتتى.
-
قىزىلوردا وبلىسىندا ەكى ايەلدىڭ ولىمىنە كۇدىكتى كورشىسى پاتەردە ۇستالدى. وقيعا تۋرالى مالىمەتتەر الەۋمەتتىك جەلىدە كەڭ تارادى.
