tengrinews.kz
ارمەنيا پرەمەر-مينيسترى ەريەۆان مەتروسىندا جولاۋشىمەن سوزگە كەلدى
ارمەنيا پرەمەر-مينيسترى نيكول پاشينيان ەريەۆان مەتروسىندا جولاۋشى ايەلمەن قاراباقتاعى جاعدايعا بايلانىستى پىكىرتالاسقا ءتۇستى. بۇل تۋرالى NEWS.am سايتىنا سىلتەمە جاساپ Tengrinews.kz حابارلايدى.
پاشينيانعا قاراباقتان ارميانداردىڭ كوشىپ كەتۋى تۋرالى سۇراق قويىلعاندا، ول اشۋعا ءمىنىپ، بىلاي دەپ جاۋاپ بەردى: «ءبىز سىزدەردىڭ قاراباقتا ءومىر سۇرۋلەرىڭىز ءۇشىن بارلىعىن جاسادىق جانە 2023 جىلى ءدال سىزدەر مەنى حالىقتىڭ قاراباقتان ارمەنياعا كەتۋىنە جول بەرمەدى دەپ ايىپتادىڭىزدار. ەندى مىنە، سىزدەر مۇندا كەلىپ: «وي، ءبىز قايتا ورالعىمىز كەلدى» دەيسىزدەر.
پرەمەر-مينيستردىڭ ايتۋىنشا، بيلىك قاراباق تۇرعىندارىنىڭ قالۋىنا مۇمكىندىك بەرۋ ءۇشىن «ارمياندار تاپقان ميللياردتاعان قارجىنى جۇمساعان».
«وندا نەگە قالمادىڭىزدار؟» دەپ سۇرادى ول.
پاشينياننىڭ ۇستىندە ارمەنيا كارتاسى بەينەلەنگەن بەلگى بولعان. ول ايەلدى «بۇل كارتا تۋرالى مۇنداي مەنسىنبەي سويلەمەۋگە» شاقىردى.
«مەن قاراباقتى بەردىم دەپ ايتۋعا تىرىسپاڭدار، سەندەر سياقتى قاشىپ كەتكەندەر»، - دەدى پرەمەر-مينيستر.
ەسكە سالا كەتەيىك، 2020 جىلدىڭ قاراشا ايىندا ەكىنشى قاراباق سوعىسىنان كەيىن ناگورنىي قاراباقتىڭ ءبىر بولىگى ازەربايجاننىڭ باقىلاۋىنا ءوتتى. ال 2023 جىلدىڭ قىركۇيەگىندە ازەربايجان بۇكىل ايماقتى تولىق باقىلاۋىنا الدى. سودان كەيىن قاراباقتان 100 مىڭنان استام ارميان كوشىپ كەتتى. 2015 جىلعى ساناق بويىنشا، مويىندالماعان رەسپۋبليكانىڭ حالقى 145 053 ادام بولعان، ونىڭ 99،74 پايىزى ارمياندار.
-
انونيمنىي پوكلوننيك وتپراۆيل يزۆەستنوي كازاحستانسكوي تەليەۆەدۋششەي پيسمو ي سۆەتى، پريزناۆشيس ۆ چۋۆستۆاح، كوتورىە ون يسپىتىۆال سەلوە دەسياتيلەتيە.
-
Armenian Prime Minister Nikol Pashinyan engaged in a heated exchange with a passenger on the Yerevan metro concerning the situation in Karabakh.
