Photo: Bulat843 🌙 (https://www.pexels.com/@bulat843-1243575272) / Pexels
ارزان، ءبىراق ءقاۋىپتى: سوعىس دۋبايداعى قازاقتاردىڭ ءومىرىن قالاي وزگەرتتى
الەمدى ءوزىنىڭ سۇلۋلىعىمەن باۋراعان دۋباي ءقازىر تۋريستەردى از تارتادى. يران مەن اقش-يزرايل اراسىنداعى سوعىس باستالعالى قالانىڭ تىنىشتىعى بۇزىلىپ، بۇرىن قاۋىپسىزدىگىمەن تانىمال بولعان مەگاپوليستە جارىلىس ءۇنى ءجيى ەستىلەتىن بولدى.
بۇل تۋرالى Infohub.kz اقپارات اگەنتتىگى حابارلايدى.
سوعىسقا دەيىنگى جايلى ءومىر
دۋبايدا ەكى جىلدان بەرى تۇرىپ جاتقان قازاقستاندىق ۇلدانا سۇلتانوۆانىڭ ايتۋىنشا، جەرگىلىكتى تۇرعىندار قاۋىپسىزدىكتى سەزىنگەنىمەن، تولىق قورعالماعان. ويتكەنى اقش-تىڭ نىساندارىنا سوققى جاسالۋ ءقاۋپى بار. سوعىس باستالعالى وتباسىمەن بىرگە قازاقستانعا ورالعانىمەن، جۇبايىنىڭ جۇمىسىنا بايلانىستى قايتا دۋبايعا ورالۋعا ءماجبۇر بولعان.
جارىلىس ءۇنى ءجيى ەستىلەدى
ۇلدانانىڭ سوزىنشە، ءقازىر كۇنىنە بىر-ەكى رەت جارىلىس ءۇنى ەستىلەدى. قالا بيلىگى حابارلاما جىبەرىپ، حالىقتى ساقتاندىرىپ وتىرادى. دەگەنمەن، تۇرعىندار ادەتتەگىدەي كوشەدە ەركىن ءجۇرىپ، كۇندەلىكتى تىرشىلىگىن جالعاستىرۋدا.
بوساعان قوناقۇيلەر، ارزانداعان پاتەرلەر
سوعىس سالدارىنان دۋبايدىڭ تۋريزم سالاسى قاتتى زارداپ شەككەن. تۋريستىك ورىنداردا ادام از، قوناقۇيلەر مەن مەيرامحانالار جەڭىلدىكتەر ۇسىنىپ جاتىر. جالدامالى پاتەر باعاسى دا تومەندەگەنىمەن، ۇزاق مەرزىمدى جالداۋ بويىنشا باعا وزگەرىسسىز قالعان.
يميدج – باستى ورىندا
دۋباي بيلىگى قالانىڭ ءيميدجىن ساقتاۋعا باستى نازار اۋدارادى. جاعىمسىز جاڭالىقتار مەن جالعان اقپاراتتاردى قاتاڭ باقىلايدى. مۇنداي ارەكەتتەر ءۇشىن دەپورتاسيالاۋ ءقاۋپى بار. سوندىقتان تۋريستەر دۋبايدى ءالى دە ەڭ ءقاۋىپسىز قالالاردىڭ ءبىرى رەتىندە سانايدى.
-
بىۆشيي پرەزيدەنت سشا دونالد ترامپ سدەلال رەزكوە زاياۆلەنيە ۆ ادرەس يرانا، پرەدۋپرەديۆ و كاتاستروفيچەسكيح پوسلەدستۆياح.
-
The conflict in the Middle East has impacted Dubai's tourism and created unease among Kazakh residents، altering daily life and the city's economic landscape.
