InfoHub Logo

ءماجىلىس دەپۋتاتى اسحات ايماعامبەتوۆ ۇستازداردىڭ الەۋمەتتىك جەلىدەگى ارەكەتتەرىنە قاتىستى پىكىر ءبىلدىرىپ، ولاردىڭ قوعامداعى بەينەسى مەن بەدەلىنە نۇقسان كەلتىرمەۋگە شاقىردى. بۇل تۋرالى ول Adal Adam YouTube ارناسىنا بەرگەن سۇحباتىندا ايتتى.

«ءيا، قازىرگى زامان — TikTok، Instagram، Netflix ءداۋىرى. ءبىراق ءمۇعالىمنىڭ بەينەسى، ديرەكتوردىڭ بەينەسى دەگەن ۇعىم بار. بالالارعا جاقىن بولۋ ماڭىزدى، ءبىراق ۇستاز — تاربيە مەن ءبىلىم بەرۋدىڭ سيمۆولى. سول بەينەنى ساقتاۋ كەرەك»، — دەدى دەپۋتات.

اسحات ايماعامبەتوۆ TikTok-قا جاپپاي ەنىپ كەتكەن مۇعالىمدەردىڭ كەيبىر ارەكەتتەرى قوعامدا سۇراق تۋعىزاتىنىن جەتكىزدى. ونىڭ سوزىنشە، وقۋشىلارمەن قارىم-قاتىناس جاساۋدا جاڭاشىلدىق قاجەت، الايدا ول ار-نامىس پەن كاسىبي ەتيكا شەڭبەرىنەن شىقپاۋى ءتيىس.

«ريلس ءتۇسىرۋ — ءوز الدىنا ءبىر باعىت. ءبىراق ءار نارسەنىڭ ورنى بار. بالالارمەن ءازىل ايتىپ، ترەند قۋىپ كەتۋدىڭ قاجەتى جوق. بۇل ماسەلەدە مينيسترلىك ناقتى ۇستانىم قالىپتاستىرۋى كەرەك»، — دەدى ايماعامبەتوۆ.

ەكس-مينيستر قازىرگى ۋاقىتتا ءوزى دە ۇستازدىق قىزمەت اتقارىپ جۇرگەنىن ايتىپ، ۇستازدىڭ بەدەلى مەن ءيميدجى — تەك ءبىلىم ەمەس، تاربيەنىڭ دە ولشەمى ەكەنىن ەسكە سالدى.