Tengrinews.kz/ مارجان كۋاندىكوۆا
استانا ماڭىنداعى اۋىلدا وتباسى مۇشەلەرى قاتىگەزدىكپەن ءولتىرىلدى
استاناعا جاقىن ورنالاسقان جىبەك جولى اۋىلىندا وتباسى مۇشەلەرىنىڭ قاتىگەزدىكپەن ولتىرىلگەنى تۋرالى قايعىلى جاڭالىق ەلدى دۇرلىكتىردى. بۇل وقيعاعا قاتىستى اقمولا وبلىستىق پوليسيا دەپارتامەنتى رەسمي مالىمدەمە جاسادى.
بۇل تۋرالى Infohub.kz اقپارات اگەنتتىگى حابارلايدى.
قاندى وقيعانىڭ ءمان-جايى
جەلىدە ءبىر وتباسىنىڭ بىرنەشە مۇشەسىنىڭ قازا تاپقانى تۋرالى ۇرەيلى حابارلامالار تارادى. الدىن الا دەرەكتەر بويىنشا، ۇل اتا-اناسى مەن قارىنداسىن ولتىرگەن بولۋى مۇمكىن دەگەن بولجام بار. كەيبىر اقپاراتتاردا قىلمىستى باسقا اۋىل تۇرعىنى جاساعان دەگەن دە سوزدەر ايتىلۋدا.
پوليسيا ىسكە كىرىستى
اقمولا وبلىستىق پوليسيا دەپارتامەنتىنىڭ مالىمەتىنشە، ارشالى اۋدانىنا قاراستى جىبەك جولى اۋىلىندا ادام ءولتىرۋ فاكتىسى بويىنشا كۇدىكتى جەدەل تۇردە ۇستالىپ، ۋاقىتشا ۇستاۋ يزولياتورىنا قامالدى. قازىرگى تاڭدا قىلمىستىق ءىس قوزعالىپ، تەرگەۋ جۇمىستارى دەپارتامەنت باسشىلىعىنىڭ تىكەلەي باقىلاۋىندا وتۋدە.
قازا تاپقانداردىڭ ناقتى سانى انىقتالۋدا. تەرگەۋ مۇددەسىنە بايلانىستى وزگە دە اقپاراتتار ازىرگە جاريا ەتىلمەيدى. وقيعا ورنىندا قۇقىق قورعاۋ ورگاندارى جۇمىس ىستەپ جاتىر. قىلمىس بولعان ءۇي ورنالاسقان كوشە قورشاۋعا الىنىپ، بوگدە ادامداردىڭ كىرۋىنە شەكتەۋ قويىلدى.
-
قازاقستاندا جول ەرەجەسىن بۇزعانى ءۇشىن بەرىلەتىن 50% جەڭىلدىكپەن ايىپپۇل تولەۋ مەرزىمى اياقتالدى. ەندى ايىپپۇلدى تولىق كولەمدە تولەۋ قاجەت.
-
A horrific crime has shaken a village near Astana، with multiple family members found dead. Authorities have apprehended a suspect.
