InfoHub Logo

ەلىمىزدىڭ باس قالاسى استانا مەن ەڭ ءىرى مەگاپوليس الماتىدا الداعى كۇندەرى اۋا رايىنىڭ قانداي بولاتىنى بەلگىلى بولدى. قازگيدرومەت ماماندارى 4-6 ءساۋىر ارالىعىنداعى بولجامدى جاڭارتتى. ەگەر بۇعان دەيىن استانا مەن الماتىدا اۋا تەمپەراتۋراسىنىڭ كۇرت تومەندەيتىنى ايتىلسا، ەندى بۇل بولجام وزگەرتىلدى.

بۇل تۋرالى Infohub.kz اقپارات اگەنتتىگى حابارلايدى.

استاناداعى اۋا رايى

4 ساۋىردە استانادا اينىمالى بۇلتتى بولىپ، كۇننىڭ سوڭىندا جاڭبىر جاۋىپ، نايزاعاي ويناۋى ىقتيمال. كۇندىز شاڭدى داۋىل تۇرادى. وڭتۇستىك-شىعىس، ودان كەيىن وڭتۇستىك-باتىس باعىتىنداعى جەل تۇندە 5-10 م/س، كۇندىز 9-14 م/س بولادى. تەمپەراتۋرا تۇندە +5...+7 گرادۋس جىلىلىقتى، ال كۇندىز +17...+19 گرادۋستى كورسەتەدى.

5 ساۋىردە اينىمالى بۇلتتى بولىپ، ۋاقىتىمەن جاڭبىر جاۋىپ، كۇندىز نايزاعاي وينايدى. سولتۇستىك-باتىس باعىتىنداعى جەل 9-14 م/س، كەيدە 15-20 م/س دەيىن كۇشەيەدى. اۋا تەمپەراتۋراسى تۇندە +5...+7 گرادۋس، كۇندىز +12...+14 گرادۋس بولادى.

6 ساۋىردە جاۋىن-شاشىنسىز، اينىمالى بۇلتتى كۇن بولادى. شىعىس، وڭتۇستىك-شىعىس جەلى 3-8 م/س باعىتىندا سوعادى. تەمپەراتۋرا تۇندە +1...+3 گرادۋس، ال كۇندىز +15...+17 گرادۋسقا دەيىن كوتەرىلەدى.

الماتىداعى اۋا رايى

4 ساۋىردە الماتىدا اينىمالى بۇلتتى بولىپ، جاۋىن-شاشىنسىز وتەدى. باتىس باعىتىنداعى جەل 3-8 م/س بولادى. اۋا تەمپەراتۋراسى تۇندە +12...+14 گرادۋس، ال كۇندىز +25...+27 گرادۋسقا جەتەدى.

5 ساۋىردە دا اينىمالى بۇلتتى، جاۋىن-شاشىن كۇتىلمەيدى. باتىس جەل سوعادى، 3-8 م/س، كۇندىز ەكپىنى 13 م/س دەيىن جەتەدى. تۇنگى تەمپەراتۋرا +13...+15 گرادۋس، كۇندىزگى تەمپەراتۋرا +23...+25 گرادۋس بولادى.

6 ساۋىردە دە اۋا رايى وزگەرىسسىز قالادى. اينىمالى بۇلتتى، جاۋىن-شاشىن جوق. باتىس جەل 3-8 م/س، كۇندىز ەكپىنى 13 م/س دەيىن جەتەدى. تۇندە +13...+15 گرادۋس، ال كۇندىز +24...+26 گرادۋس جىلىلىق بولادى.

بۇعان دەيىن سينوپتيكتەر استانا مەن الماتىدا اۋا رايىنىڭ ءسال سۋىتاتىنىن بولجاعان بولاتىن. الايدا، سوڭعى مالىمەتتەر بويىنشا، بۇل بولجام وزگەرتىلدى.

سونىمەن قاتار، الداعى ءۇش كۇندە قازاقستان بويىنشا اۋا رايىنىڭ وزگەرەتىنى حابارلاندى. سيكلون مەن انتيسيكلوننىڭ اۋىسۋىنا بايلانىستى جاڭبىرلى، كەي جەرلەردە نايزاعايلى اۋا رايى كۇتىلەدى. 4 ساۋىردە ەلدىڭ سولتۇستىك-باتىسىندا، 5-6 ساۋىردە باتىسىندا، ال 5 ساۋىردە وڭتۇستىگىندە قاتتى جاڭبىر جاۋۋى مۇمكىن.