tengrinews.kz
استانا ۆوكزالىنداعى دارەتحانالاردىڭ جاعدايى جۇرتشىلىقتى الاڭداتتى
استاناداعى "نۇرلى جول" تەمىرجول ۆوكزالىنداعى دارەتحانالاردىڭ كۇيى قوعامدا رەزونانس تۋدىردى. الەۋمەتتىك جەلىدە جاريالانعان سۋرەتتەر مەن پىكىرلەردە سانيتارلىق توراپتاردىڭ ءتيىستى دەڭگەيدە تازالانبايتىنى ايتىلعان.
بۇل تۋرالى Infohub.kz اقپارات اگەنتتىگى حابارلايدى.
جاعدايدىڭ ءمان-جايى
جەلىدە تاراعان شاعىمدا "نۇرلى جول" ۆوكزالىنداعى دارەتحانالاردىڭ تازالىعىنا قاتىستى ماسەلە كوتەرىلگەن. جاريالانعان سۋرەتتەردە راكوۆينالاردىڭ اينالاسىنداعى گرانيت ۇستەلدەردىڭ سارعايىپ كەتكەنى، ەدەننىڭ بۇرىشتارىندا، ەسىك جاقتاۋلارىندا كىردىڭ جينالعانى بايقالادى. سونداي-اق، ۋنيتازدىڭ ارتقى جاعىنداعى سارعىش داقتار مەن قارا ىزدەر دە كورىنىس بەرگەن.
"قازاقستان تەمىر جولى" نە دەيدى؟
"قازاقستان تەمىر جولى" (قتج) باسپا ءسوز قىزمەتىنىڭ مالىمەتىنشە، سانيتارلىق توراپتاردىڭ تازالىعى ءار 60 مينۋت سايىن جۇرگىزىلەدى. قىزمەتكەرلەر قاجەتتى گيگيەنالىق قۇرالدارمەن، سونىڭ ىشىندە دارەتحانا قاعازى، سۇيىق سابىن، سونداي-اق ارنايى تازالاۋ قۇرالدارىمەن قامتاماسىز ەتىلگەن. كومپانيا وكىلدەرى راكوۆيناداعى سارعايعان داقتاردىڭ ماتەريالدىڭ توزۋىنان جانە سۋدىڭ اسەرىنەن پايدا بولعانىن ءتۇسىندىردى.
ۆوكزالداردى جاڭعىرتۋ جوسپارى
قتج "نۇرلى جول" ۆوكزالىنداعى سانيتارلىق توراپتاردى جاڭارتۋ جۇمىستارى باستالعانىن حابارلادى. جوبا جاڭا ديزاينمەن جانە زاماناۋي ماتەريالدارمەن جاسالماق. بۇل جولاۋشىلار ءۇشىن كەڭىستىكتى جايلى ءارى ەستەتيكالىق تۇرعىدان جاقسارتۋعا باعىتتالعان.
بۇعان قوسا، 2026 جىلدىڭ سوڭىنا دەيىن قتج ەلىمىز بويىنشا 120-دان استام تەمىرجول ۆوكزالىن جوندەۋدى جوسپارلاپ وتىر. ونىڭ 37ء-سى اپاتتى جاعدايدا دەپ تانىلىپ، ءسۇرىپ تاستالىپ، ورنىنا جاڭا عيماراتتار سالىنادى.
-
قاراباليندەر اۋلەتىنىڭ تۋىسى فاريزات كەنجەعالييەۆا قايعىلى وقيعادان كەيىن جەتىم قالعان بەس بالانىڭ تاعدىرىنا الاڭداۋلى ەكەنىن ايتتى.
-
Concerns over cleanliness at Astana's Nurly Zhol railway station have surfaced online، prompting a response from Kazakhstan Temir Zholy regarding ongoing and future improvements.
