InfoHub Logo

استانادا 1 ماۋسىمدا حالىقارالىق بالالاردى قورعاۋ كۇنىنە وراي 100-گە جۋىق ءىس-شارا ۇيىمداستىرىلادى. مەرەكەلىك باعدارلاما جاس ەرەكشەلىكتەرىنە قاراي بىرنەشە بولىككە بولىنگەن.

بۇل تۋرالى Infohub.kz اقپارات اگەنتتىگى حابارلايدى.

«بەسىك الەمى» – ەڭ كىشكەنتايلار ءۇشىن

1 ماۋسىمدا جاستار ساياباعىندا ءداستۇرلى اربالار شەرۋى «اربا FEST» وتەدى. ال پرەزيدەنتتىك ساياباقتا «شاپشاڭ بوبەك» اتتى سابيلەر اراسىندا سپورتتىق جارىس ۇيىمداستىرىلادى.

«بالاپان الەمى» – 3-6 جاس ارالىعىنداعىلارعا

بۇل كۇنى III حالىقارالىق كلوۋندار فەستيۆالى وتەدى. فەستيۆال قاتىسۋشىلارى «بايتەرەك» مونۋمەنتىنەن «حان شاتىر» ساۋدا ورتالىعىنا قاراي ورنالاسقان «عاشىقتار» ساياباعىنا دەيىن شەرۋمەن وتەدى. كەشكە امفيتەاتردا فەستيۆال ارتىستەرىنىڭ قاتىسۋىمەن كونسەرت قويىلادى.

سونىمەن قاتار، قالالىق ەمحانالار ساعات 10:00-دەن 18:00-گە دەيىن بالالار ستوماتولوگتارىنا تەكسەرىلۋ ءۇشىن ەسىكتەرىن اشادى.

«ءبىلىم مەن ارمان الەمى» – 7-10 جاس ارالىعىنداعىلارعا

1 ماۋسىمدا «كيرپيچنىي» تۇرعىن الابىندا «كوڭىلدى ستارتتار» ويىنى باستالادى. ءبىر ساعاتتان كەيىن «وندىرىس» تۇرعىن الابىندا دا وسىنداي شارا وتەدى.

«حان شاتىر» ساۋدا ويىن-ساۋىق ورتالىعىندا بالالار ساندىك كيىمدەرىن كورسەتەتىن ءسان كورسەتىلىمى بولادى.

№64 مەكتەپ-ليسەيىندە «بالالار كوزىمەن الەم» اتتى شىعارماشىلىق بايقاۋى وتەدى. تەحنيكالىق جانە كوركەم-شىعارماشىلىق ورتالىعىندا بالالاردىڭ جۇمىستارىنىڭ كورمەسى مەن «بارىنە قۋانىش سىيلايمىز» شەبەرلىك سىنىپتارى اشىلادى.

قالالىق الاڭدا كونسەرتتىك باعدارلاما ۇيىمداستىرىلادى.

«جاس وركەن» – 11-14 جاس ارالىعىنداعىلارعا

25 مامىردان 1 ماۋسىمعا دەيىن ورتالىق ساياباقتا، پرەزيدەنتتىك ساياباقتا جانە «جەتىسۋ» ساياباعىندا «باقىتتى بالالىق ءۇشىن» اتتى ءىس-شارا وتەدى. وندا بالالارعا سۋدا، كوشەدە جانە ينتەرنەتتە ءقاۋىپسىز ءجۇرۋ ەرەجەلەرى، جاراقاتتار مەن ءقاۋىپتى جاعدايلاردان اۋلاق بولۋ جولدارى تۋرالى ايتىلادى.

«بولاشاققا قادام» – جاسوسپىرىمدەرگە ارنالعان

1 ماۋسىمدا استانادا «Astana FIDA Drone Soccer Championship» حالىقارالىق درون-فۋتبول چەمپيوناتى وتەدى.

امفيتەاتردا «QosymshaFest» فەستيۆالى ۇيىمداستىرىلادى.

قالالىق الاڭدا وپەرا جانە بالەت تەاترىمەن بىرلەسىپ «ءتۇرلى-تۇستى موزايكا» بايقاۋى وتەدى.

«باقىتتى وتباسى» – وتباسىلىق قۇندىلىقتارعا ارنالعان

1 ماۋسىمدا ورتالىق ساياباقتاعى شاڭعى-روللەر تراسساسىندا «Kids RUN» اتتى سپورتتىق وتباسىلىق شارا وتەدى.

پرەزيدەنتتىك ساياباقتا جاس وتباسىلار «وتباسى – باقىت مەكەنى» اتتى سۋرەت سالۋ كۋرسىنا قاتىسا الادى. ءبىر ساعاتتان كەيىن «Ailand» وتباسىلىق دەمالىس ورتالىعىندا مەرەكەلىك كونسەرت باستالادى.

سونىمەن قاتار، مەرەكەگە وراي ءبىرقاتار اۋلالاردىڭ اشىلۋى جوسپارلانعان. ولار: رەسپۋبليكا داڭعىلى، 2/2، اباي داڭعىلى، 34، 49، 51، عابدۋللين كوشەسى، 17/1، جۇرگەنوۆ كوشەسى، 18/2، ازىربايەۆ كوشەسى، 6، قوشقاربايەۆ كوشەسى، 60، كۇمىسبەكوۆ كوشەسى، 7/1، جەڭىس داڭعىلى، 5، يرچەنكو كوشەسى، 31.

ونەركاسىپ، ينتەرناسيونالنىي، ميچۋرينو جانە كۇيگەنجار ەلدى مەكەندەرىندەگى قوعامدىق ورىنداردا كونسەرتتەر مەن ينتەراكتيۆتى ويىندار ۇيىمداستىرىلادى.

پرەزيدەنتتىك ساياباقتا ويىندار، كونكۋرستار مەن انيماتورلارمەن مەرەكەلىك باعدارلاما وتكىزىلەدى.

قالالىق الاڭدا «ەرەكشە مەرەكەلەر» قوعامدىق قورىمەن بىرلەسىپ، ەرەكشە ءبىلىم قاجەتتىلىكتەرى بار بالالاردىڭ قاتىسۋىمەن مەرەكەلىك كونسەرت ۇيىمداستىرىلادى. ودان كەيىن «Bolashak» ينكليۋزيۆتى تەاترىنىڭ ءسان كورسەتىلىمى وتەدى.

«بەرەكە استانا» وڭالتۋ ورتالىعىنىڭ سالتاناتتى اشىلۋى بولادى.

ورتالىق ساياباقتا «Bala Fest» بالالار سپورت ويىندارى فەستيۆالى باستالادى.

1 ماۋسىمدا قالا بويىنشا مەكتەپ جانىنداعى لاگەرلەر جۇمىسىن باستايدى.

2 ماۋسىمدا جاستار سارايىندا بالالاردى قورعاۋ كۇنىنە جانە «زامانداس» جوباسىنىڭ 15 جىلدىعىنا ارنالعان كونسەرت وتەدى.