InfoHub Logo

استانادا ەكىنشى اۋەجايدىڭ قۇرىلىسى ءۇشىن ورىن بەلگىلى بولدى. ەلوردالىق ءماسليحات دەپۋتاتتارى قالانىڭ باس جوسپارىنا ەنگىزىلگەن وزگەرىستەردى بەكىتىپ، جاڭا نىسانعا ەڭ قولايلى دەپ تانىلعان باسىمدىلىقتى ايماقتى ناقتىلادى.

بۇل تۋرالى Infohub.kz اقپارات اگەنتتىگى حابارلايدى.

بولاشاق اۋەجاي ورنالاساتىن جەر

باس جوسپارعا ەنگىزىلگەن وزگەرىستەرگە سايكەس، استاناعا بولاشاقتا ەكىنشى اۋەجاي قاجەت بولادى. سەبەبى قالاعا كەلەتىن تۋريستەر سانى ارتا تۇسپەك. ساراپشىلار تۋريستەرگە ىڭعايلى، سونداي-اق پويىز نەمەسە LRT ارقىلى جەتۋگە بولاتىن، ءارى قۇستاردىڭ ۇشۋىنا كەدەرگى كەلتىرمەيتىن ورىندى ىزدەگەن.

ناتيجەسىندە، ەلوردانىڭ سولتۇستىك-باتىس باعىتىندا، شورتاندى كەنتىنە قاراي، استانا – كوكشەتاۋ تاس جولىنىڭ بويىندا ورنالاسقان اۋماق ەڭ ۇزدىك نۇسقا رەتىندە قاراستىرىلدى.

ۇسىنىلعان اۋماق استانا قالاسىنىڭ شەكاراسىنان شامامەن 48 شاقىرىم، ال «نۇرلى جول» ۆوكزالىنان 73 شاقىرىم قاشىقتىقتا ورنالاسقان. ارنايى اەروەكسپرەسستەر ىسكە قوسىلعان جاعدايدا، ۆوكزالدان اۋەجايعا دەيىنگى جول شامامەن 75-80 مينۋتتى قۇرايدى دەپ جوسپارلانۋدا.

دەپۋتاتتاردىڭ شەشىمى

ساۋلەت باسقارماسىنىڭ باسشىسى التىنبەك احمەتوۆتىڭ بايانداماسىنان كەيىن ءماسليحات ءتوراعاسى تابيعات زەينۇلقابدەن باس جوسپارعا ەنگىزىلەتىن وزگەرىستەر بىرنەشە وتىرىستا تالقىلانعانىن اتاپ ءوتتى. دەپۋتاتتار قالانىڭ باس جوسپارىنا تۇزەتۋلەر ەنگىزۋ تۋرالى شەشىمدى ءبىراۋىزدان قولداپ داۋىس بەردى.

بۇعان دەيىنگى جاعداي

بۇعان دەيىن، 2025 جىلدىڭ جەلتوقسانىندا استانا اكىمى جەڭىس قاسىمبەك استانادا جاڭا اۋەجايدىڭ قۇرىلىسى مۇمكىن ەكەنىن ايتقان بولاتىن. ول كەزدە ەلوردانىڭ باس جوسپارىندا «اۋەجايدى مۇمكىن بولاتىن قۇرىلىس ءۇشىن پەرسپەكتيۆالى ۋچاسكەلەر قاراستىرىلعانىن» مالىمدەگەن ەدى. ال 15 مامىردا ەلوردا اكىمىنىڭ ورىنباسارى ەرسىن وتەشيەۆ بىردەن بىرنەشە ىقتيمال الاڭدى قاراستىرىپ جاتقاندارىن ايتقان.