InfoHub Logo

استانادا 9 مامىر جەڭىس كۇنىن اتاپ وتۋگە ارنالعان اۋقىمدى ءىس-شارالار جوسپارلانۋدا. قالا بويىنشا كونسەرتتەر، سپەكتاكلدەر، كورمەلەر جانە پاتريوتتىق اكسيالار ۇيىمداستىرىلادى. بۇل شارالار مادەني، الەۋمەتتىك جانە ءبىلىم بەرۋ سالالارىن قامتيدى.

بۇل تۋرالى Infohub.kz اقپارات اگەنتتىگى حابارلايدى.

8 مامىرداعى شارالار

8 مامىر كۇنى ساعات 11:00-دە «نۇرلى جول» تەمىرجول ۆوكزالىندا 9 مامىرعا ارنالعان تاقىرىپتىق كورمە اشىلادى. استانا قالاسىنىڭ مەملەكەتتىك ءارحيۆى «ەرلىك داستانى» اتتى تاريحي-قۇجاتتىق كورمەسىن جانە تىل ەڭبەككەرلەرى تۋرالى ماتەريالدار توپتاماسىن ۇسىنادى.

سول كۇنى ساعات 19:00-دە ە. راحمادييەۆ اتىنداعى مەملەكەتتىك اكادەميالىق فيلارمونيادا «ەرلىك داستانى» اتتى مەرەكەلىك كونسەرت وتەدى. ال م. گوركيي اتىنداعى مەملەكەتتىك اكادەميالىق ورىس دراما تەاترىندا «ءاليا» سپەكتاكلى كورسەتىلەدى.

9 مامىرداعى مەرەكەلىك باعدارلاما

9 مامىر كۇنى ساعات 12:00-دە ا. مامبەتوۆ اتىنداعى مەملەكەتتىك دراما جانە كومەديا تەاترىنىڭ الدىندا مەرەكەلىك كونسەرت بولادى.

سونداي-اق، ساعات 12:00-دە قالالىق الاڭدا (بەيبىتشىلىك كوشەسى، 9) ەسترادا جۇلدىزدارىنىڭ قاتىسۋىمەن جەڭىس كۇنىنە ارنالعان كونسەرت وتەدى.

كەشكىسىن ساعات 18:00-دە تەاتر ساحناسىندا «ار ادامى — باۋىرجان» سپەكتاكلى قويىلادى. بۇل ۋاقىتتا جاس كورەرمەندەر مۋزىكالىق تەاترىندا «مانشۇك» سپەكتاكلى كورسەتىلەدى.

سول كۇنى ساعات 18:00-دە امفيتەاتردا مەرەكەلىك كونسەرت ۇيىمداستىرىلادى. قاليبەك قۋانىشبايەۆ اتىنداعى قازاق ۇلتتىق مۋزىكالىق-دراما تەاترىندا سيمفونيالىق وركەستردىڭ «جەڭىس كۇنى» اتتى كونسەرتى وتەدى.

الەۋمەتتىك قولداۋ

جەڭىس كۇنىنە وراي ارداگەرلەرگە ءبىرجولعى تولەمدەر قاراستىرىلعان. بۇل استانا قالالىق ءماسليحاتىنىڭ 2023 جىلعى 3 قازانداعى № 84/10-VIII شەشىمىمەن بەكىتىلگەن الەۋمەتتىك كومەك كورسەتۋ، مولشەرىن بەلگىلەۋ جانە مۇقتاج ازاماتتاردىڭ جەكەلەگەن ساناتتارىنىڭ تىزبەسىن ايقىنداۋ قاعيدالارىنا سايكەس كەلەدى. مىسالى، استاناداعى ۇلى وتان سوعىسىنىڭ ارداگەرىنە 5 ميلليون تەڭگە تولەندى.