Tengrinews.kz / تۋرار كازانگاپوۆ
استانادا جۇرگىزۋشى كۋالىكتەرىن ساتقاندار ۇستالدى: ۇقك ارنايى حقو ديرەكتورىنىڭ ورىنباسارىن قاماۋعا الدى
استانا قالاسىندا ارنايى حالىققا قىزمەت كورسەتۋ ورتالىعى (حقو) ديرەكتورىنىڭ بۇرىنعى ورىنباسارى، جۇرگىزۋشى كۋالىگىن الۋعا كومەكتەسكەن كۇدىكتى ۇستالدى. بۇل تۋرالى ۇلتتىق قاۋىپسىزدىك كوميتەتىنىڭ (ۇقك) باسپا ءسوز قىزمەتى حابارلادى.
بۇل تۋرالى Infohub.kz اقپارات اگەنتتىگى حابارلايدى.
ۇقك-نىڭ سىبايلاس جەمقورلىققا قارسى قىزمەتى جىل باسىنان بەرى استانا، اقمولا جانە پاۆلودار وبلىستارىندا اۆتومەكتەپتەردىڭ جۇمىسىندا جانە جۇرگىزۋشى كۋالىكتەرىن رەسىمدەۋ كەزىندە زاڭسىز سىياقى الۋ جانە وكىلەتتىگىن اسىرا پايدالانۋ فاكتىلەرىن انىقتادى.
استاناداعى جاعداي
استانادا بۇرىنعى ارنايى حقو باسشىسى، پارا ارقىلى ازاماتتارعا ەمتيحان تاپسىرۋعا جانە جۇرگىزۋشى كۋالىگىن الۋعا جۇيەلى تۇردە كومەكتەسىپ كەلگەنى انىقتالدى. ۇقك مالىمەتىنشە، 60-تان استام فاكتى بويىنشا 100 ميلليون تەڭگەدەن استام سومادا اقشا الىنعان.
باسقا وڭىرلەردەگى جاعداي
بۇدان بولەك، كوكشەتاۋداعى ارنايى حقو فيليالدارى مەن ەكىباستۇزداعى «ازاماتتارعا ارنالعان ۇكىمەت» مەملەكەتتىك كورپوراسياسىنىڭ باسشىلارىنىڭ زاڭسىز ارەكەتتەرى توقتاتىلدى. ولار جالعان تۇلعالار ارقىلى ەمتيحان تاپسىرۋدى ۇيىمداستىرعانى ءۇشىن اقشا العان.
جىلجىمايتىن مۇلىككە قاتىستى زاڭسىزدىقتار
سونىمەن قاتار، استانا، شىمكەنت جانە تاراز قالالارىنداعى «ازاماتتارعا ارنالعان ۇكىمەت» مەملەكەتتىك كورپوراسياسىنىڭ فيليالدارىندا لاۋازىمدى تۇلعالاردىڭ جىلجىمايتىن مۇلىكتى قايتا تىركەۋ جانە كەپىلدىكتى الىپ تاستاۋ كەزىندە وكىلەتتىكتەرىن اسىرا پايدالانىپ، زاڭسىز تابىس تاپقان فاكتىلەرى انىقتالدى.
اتالعان فاكتىلەر بويىنشا سوتقا دەيىنگى تەرگەۋ امالدارى جۇرگىزىلۋدە.
-
دينارا مايگازييەۆا ۆىسكازالاس و ۆوزموجنوستي ۆتوروي جەنى ۋ يزۆەستنوگو پيەۆسا، ۆىزۆاۆ بۋرنۋيۋ رەاكسيۋ.
-
استانادا الداعى كۇندەرى اۋا رايى كۇرت وزگەرەدى. جىلىمىقتان كەيىن تەمپەراتۋرا قايتادان تومەندەپ، اياز بولادى.
