Tengrinews.kz / مارجان كۋاندىكوۆا_
استانادا LRT جاڭا جەلىسىنىڭ قۇرىلىسى باستالدى
استانادا LRT جاڭا جەلىسىنىڭ قۇرىلىسى باستالدى
استانا قالاسىندا جەڭىل رەلستى كولىك (LRT) جوباسىنىڭ ەكىنشى كەزەڭىن جۇزەگە اسىرۋ اياسىندا دايىندىق جۇمىستارى باستالدى. بۇل تۋرالى Infohub.kz اقپارات اگەنتتىگى حابارلايدى.
City Transportation Systems ج ش س حابارلاۋىنشا، قازىرگى ۋاقىتتا ينجەنەرلىك-گەولوگيالىق ىزدەنىستەر جۇرگىزىلۋدە.
«چينگيز ايتماتوۆ كوشەسىندەگى LRT جوباسىنىڭ ەكىنشى كەزەڭىنىڭ تەحنيكالىق-ەكونوميكالىق نەگىزدەمەسى مەن جوبالىق-سمەتالىق قۇجاتتاماسىن ازىرلەۋ اياسىندا توپىراقتىڭ قۇرامى مەن قاسيەتتەرىن انىقتاۋ ءۇشىن ينجەنەرلىك-گەولوگيالىق ىزدەنىستەر جۇرگىزىلۋدە»، - دەلىنگەن كومپانيانىڭ حابارلاماسىندا.
ايتا كەتەيىك، بۇل جۇمىستار LRT جەلىسىن ودان ءارى جوبالاۋ جانە تەحنيكالىق شەشىمدەردى تاڭداۋ ءۇشىن قاجەت.
LRT جوباسىنىڭ كەلەشەگى
بۇعان دەيىن استانا اكىمى جەڭىس قاسىمبەك LRT كەلەسى جەلىسى قوسشى باعىتىندا وتەتىنىن حابارلادى.
«قوسشى ءوسىپ كەلەدى، بۇل استاناعا كوپ كومەكتەسەتىن ۇلكەن سەرىكتەس قالا. سوندىقتان قوسشىدان قالاعا بەلسەندى قوزعالىس بار جانە ءبىز وسى باعىتتا كەلەسى كەزەڭدى سالاتىن بولامىز»، - دەدى ول.
ەسكە سالايىق، 2025 جىلدىڭ 29 قىركۇيەگىندە استانادا LRT سىناقتان ءوتتى. سىناقتار كەمىندە التى ايعا سوزىلادى دەپ حابارلاندى. LRT بيىل پايدالانۋعا بەرىلەدى دەپ جوسپارلانۋدا.
-
سەمى قالاسىنداعى تۇرعىننىڭ اۋلاسىنا كىرىپ كەتكەن بۇعى پوليسيا قىزمەتكەرلەرىنە بەرىلدى.
-
يتاليادا ءوتىپ جاتقان قىسقى وليمپيادا ويىندارىندا تەمىرجولعا جاسالعان ديۆەرسيا سالدارىنان پويىزداردىڭ قوزعالىسى ۋاقىتشا توقتاتىلدى. قازىرگى تاڭدا تەرگەۋ امالدارى جۇرگىزىلۋدە.
