استانادا ۋنيۆەرسيتەتتىڭ بۇرىنعى قىزمەتكەرى الاياقتىق جاساعانى ءۇشىن سوتتالدى
استانادا ۋنيۆەرسيتەتتىڭ بۇرىنعى قىزمەتكەرى الاياقتىق جاساعانى ءۇشىن سوتتالدى،دەپ حابارلايدى Infohub.kz.
استاناداعى جوعارى وقۋ ورىندارىنىڭ بىرىندە تۇلەكتەردى جۇمىسپەن قامتۋعا جاردەمدەسۋ سەكتورىندا جۇمىس ىستەگەن ايەل ستۋدەنتتەردى گرانتقا اۋىستىرىپ بەرە الاتىنىن ايتىپ، ولاردىڭ اتا-انالارىنان قوماقتى قاراجات العان. الايدا، ۋادەسىن ورىنداماعان.
قالالىق پروكۋراتۋرانىڭ حابارلاۋىنشا، 2023-2024 جىلدار ارالىعىندا ول 15 جابىرلەنۋشىدەن 3 ميلليون تەڭگەدەن استام قارجى يەمدەنگەن. ول ستۋدەنتتەر مەن ولاردىڭ اتا-انالارىنا اكادەميالىق ۇلگەرىم، گرانتقا اۋىستىرۋ جانە ستيپەنديانى قايتارۋ ماسەلەلەرىن «شەشىپ» بەرە الاتىنىن ايتىپ، سەنىمدەرىنە كىرگەن.
سوت ۇكىمىمەن ەكس-قىزمەتكەرگە 3 جىلعا باس بوستاندىعىن شەكتەۋ جازاسى تاعايىندالدى. ول پروباسيالىق باقىلاۋدا بولادى. سونداي-اق، سوت ونىڭ كىناسىن تولىق مويىنداعانىن، جابىرلەنۋشىلەرگە كەلتىرىلگەن شىعىندى وتەگەنىن جانە كامەلەتكە تولماعان بالالارىنىڭ بارىن ەسكەرگەن.
سوت ۇكىمى زاڭدى كۇشىنە ەندى.
You Might Also Like
-
فرانسيا پرەزيدەنتى ەممانۋەل ماكرون ەۋروپانىڭ قاۋىپسىزدىگى مەن قورعانىسىنا قاتىستى ماڭىزدى مالىمدەمە جاسادى. ول رەسەيدىڭ اسكەري قۋاتىن ارتتىرىپ جاتقانىن، ال ەۋروپا ەلدەرى بۇعان دايىن بولۋى كەرەكتىگ...
-
الماتى قالاسىندا ادىلەت پولكوۆنيگى بەكزات بالتاباي ۇلى پارا الدى دەگەن كۇدىكپەن قولعا ءتۇستى. ول ءقازىر قۇقىق قورعاۋ ورگاندارىنىڭ قىزمەتكەرى بولماسا دا، ءوزىنىڭ بۇرىنعى جۇمىس ورنى – قىزمەتتىك كابينەتىن...
