Photo: Artyom Hunter (https://www.pexels.com/@framehunter) / Pexels
استاناداعى Happylon پاركى جابىلادى: كارتالارداعى اقشا كۇيىپ كەتۋى مۇمكىن
استاناداعى Mega Silk Way ساۋدا-ويىن-ساۋىق ورتالىعىندا ورنالاسقان Happylon اتتراكسيوندار پاركى جابىلادى. بۇل تۋرالى Infohub.kz اقپارات اگەنتتىگى حابارلايدى.
الەۋمەتتىك جەلىلەردە قاڭتار ايىندا Happylon پاركى جۇمىسىن توقتاتاتىنى تۋرالى اقپارات تارادى. ونىڭ ورنىنا جاڭا ويىن-ساۋىق فورماتى اشىلماق. قازىرگى اتتراكسيوندار الىنىپ تاستالادى.
جابىلۋ مەرزىمى جانە ەسكەرتۋ
Happylon وكىلدەرى پاركتىڭ جابىلۋ مەرزىمىن ناقتىلاپ، كەلۋشىلەرگە ماڭىزدى ەسكەرتۋ جاسادى:
«ءبىزدىڭ سۇيىكتى قوناقتارىمىزدىڭ كوپتەگەن وتىنىشتەرى بويىنشا پاركتىڭ جابىلۋىن 2026 جىلدىڭ 19 قاڭتارىنا اۋىستىردىق. وسى ۋاقىتقا دەيىن كارتالارىڭىزداعى قالدىقتى پايدالانىپ ۇلگەرىڭىزدەر. سىزدەردى قۋانىشپەن كۇتەمىز جانە تۇسىنىستىكپەن قاراعاندارىڭىز ءۇشىن العىس ايتامىز!»
كوپتەگەن كەلۋشىلەر پاركتىڭ جابىلۋى تۋرالى اقپاراتتىڭ كەش تارالعانىنا نارازى. ولار كارتالارىنداعى اقشانى پايدالانىپ ۇلگەرمەي قالۋى مۇمكىن ەكەنىن ايتادى.
«بۇل مۇلدەم ادىلەتسىز، ولار جابىلاتىنىن بىرنەشە كۇن بۇرىن عانا حابارلادى. ال ەگەر ءبىزدىڭ كارتالارىمىزدا اقشا قالسا شە؟ الدىن الا ەسكەرتۋگە بولاتىن ەدى»، — دەپ جازادى الەۋمەتتىك جەلى قولدانۋشىلارى.
استانالىقتار بالالارمەن وتباسىلىق دەمالىس ورىندارىنىڭ ازايۋىنا الاڭداۋشىلىق بىلدىرۋدە. بۇعان دەيىن استانالىق اكۆاپارك تا اۋقىمدى جوندەۋگە جابىلعان بولاتىن.
Happylon قازاقستانداعى العاشقى جابىق اتتراكسيوندار پاركتەرىنىڭ ءبىرى بولىپ، كوپتەگەن جىلدار بويى وتباسىلىق دەمالىستىڭ تانىمال ورنى بولىپ كەلدى.
-
رەسەيلىك تەلەجۇرگىزۋشى ۆلاديمير ءسولوۆوۆ ورتالىق ازياداعى ىقتيمال قاۋىپتەر تۋرالى ايتتى.
-
قايسار قامزا ەسىمدى بلوگەردى ىزدەۋ جاريالاندى. بۇل تۋرالى قۇقىقتىق ستاتيستيكا پورتالى حابارلادى.
