InfoHub Logo

استانا قالاسىندا LRT جەڭىل رەلستى كولىگىنىڭ ۆاگوندارىن ارقانمەن سۇيرەپ بارا جاتقان جۇمىسشىلاردىڭ ۆيدەوسى الەۋمەتتىك جەلىدە تارادى. بۇل كورىنىس كوپشىلىكتىڭ نازارىن اۋدارىپ، ءتۇرلى پىكىرلەرگە سەبەپ بولدى.

ۆيدەودا ارنايى كيىم كيگەن ءبىر توپ ادام ۆاگوننىڭ الدىندا ءجۇرىپ، ونى قولمەن سۇيرەپ بارا جاتقانى كورىنەدى. مۇنداي ەرەكشە "تەست-درايۆ" جەلى قولدانۋشىلارىن قىزىقتىردى.

LRT وپەراتورى CTS كومپانياسىنىڭ باسپا ءسوز قىزمەتى بۇل جاعدايدى ءتۇسىندىرىپ بەردى. ولاردىڭ ايتۋىنشا، ۆيدەو قالاداعى دەپولاردىڭ بىرىندە تۇسىرىلگەن. بۇل – ۆاگونداردى رەلسكە ورناتقاننان كەيىن ولاردى قوسۋدىڭ تەحنولوگيالىق كەزەڭى.

"جەڭىل رەلستى كولىك جەلىسىندەگى سىناق جۇمىستارى اياسىندا، ۆاگونداردى رەلسكە ورناتقاننان كەيىن ولاردى قوسۋدىڭ تەحنولوگيالىق كەزەڭى جۇرگىزىلەدى. بۇل كەزەڭدە ۆاگونداردىڭ ورنىن قولمەن رەتتەۋگە رۇقسات ەتىلەدى. بۇل – ۆاگونداردىڭ تىركەۋ قۇرىلعىلارىن ءدال سايكەستەندىرۋ جانە جىلجىمالى قۇرامنىڭ رەلستەردەگى ورنىن انىقتاۋ ءۇشىن قاجەت"، - دەلىنگەن حابارلامادا.

CTS كومپانياسى بۇل كەزدە ۆاگونداردىڭ جۇمىس رەجيمىندە بولماعانىن جانە ەشقانداي تارتقىش جۇيەلەردىڭ قولدانىلماعانىن اتاپ ءوتتى. شاعىن قاشىقتىققا جىلجىتۋ "باقىلاۋلى جاعدايدا" قولمەن جۇزەگە اسىرىلادى. كومپانيانىڭ مالىمەتىنشە، بارلىق جۇمىستار قاۋىپسىزدىك تالاپتارىن ساقتاي وتىرىپ اتقارىلادى جانە رەلستى كولىكتى پايدالانۋعا بەرۋ كەزىندەگى قالىپتى تاجىريبە بولىپ تابىلادى.

ايتا كەتەيىك، استاناداعى LRT جەلىسىنىڭ سىناق پايدالانۋى باستالعانىنا التى ايداي ۋاقىت بولدى. ەلوردا اكىمدىگىنىڭ حابارلاۋىنشا، جوبانى ىسكە اسىرۋ كەستەگە ساي ءجۇرىپ جاتىر جانە جولاۋشىلار تاسىمالىن بيىل كوكتەمدە باستاۋ جوسپارلانعان.

بۇل تۋرالى Infohub.kz اقپارات اگەنتتىگى حابارلايدى.