Tengrinews.kz / مارجان كۋاندىكوۆا
استاناداعى ورتتەن ءۇش بالاسىنان ايىرىلعان ايەل ەسىن جيدى
استاناداعى پاتەردە بولعان سۇمدىق ورتتەن ءۇش بالاسىنان ايىرىلعان ايەل ەسىن جيدى. ءبىراق ايەلدىڭ جاعدايى ءالى دە اۋىر كۇيىندە قالىپ وتىر.
بۇل تۋرالى Infohub.kz اقپارات اگەنتتىگى حابارلايدى.
قازىرگى ۋاقىتتا ناۋقاس جان ساقتاۋ بولىمىندە جاتىر. دارىگەرلەردىڭ ايتۋىنشا، ونىڭ جاعدايىنىڭ اۋىرلاۋىنا كۇيىك اۋرۋى، تىنىس جولدارىنىڭ زاقىمدانۋى جانە ينتوكسيكاسيا سەبەپ بولىپ وتىر.
دارىگەرلەردىڭ مالىمەتى
«قازىرگى ۋاقىتتا پاسيەنت ەسىن جيدى، كوماندالارعا جاۋاپ بەرەدى. بارلىق دارى-دارمەك قولدانىلىپ جاتىر. وكپەنى جاساندى جەلدەتۋ اپپاراتىمەن تىنىس الۋ قامتاماسىز ەتىلگەن. جۇرەك جۇمىسى مەن ارتەريالىق قان قىسىمى تۇراقتى»، - دەدى دارىگەر-تراۆماتولوگ مارات ءسابىروۆ.
ءورتتىڭ سەبەبى مەن سالدارى
ەستەرىڭىزگە سالا كەتەيىك، 12 ءساۋىر تۇندە استانا قالاسىندا تۇركىستان كوشەسىندەگى 21 قاباتتى تۇرعىن ءۇيدىڭ 15-قاباتىنداعى پاتەردە ءورت شىقتى. پاتەردەن ءۇش بالانىڭ ءمايىتى تابىلعان بولاتىن. ءورت سوندىرۋشىلەر اناسىن قۇتقارىپ، كۇيىك شالعان ايەلدى №1 قالالىق كوپبەيىندى اۋرۋحاناعا جاتقىزدى. ۇستىڭگى قاباتتاردان 20 ادام، ال قالعاندارى ءوز بەتىنشە ەۆاكۋاسيالاندى. استانا پوليسياسى قىلمىستىق ءىس قوزعالعانىن حابارلادى.
-
A significant price gap between new and used cars in Kazakhstan is creating financial risks for banks، impacting loan collateral values.
-
بانگالور قالاسىندا 42 جاستاعى ەر ادام سال اۋرۋىنا شالدىققان 72 جاستاعى اناسىن ءۇيدىڭ ءتورتىنشى قاباتىنان لاقتىرىپ جىبەردى دەگەن كۇدىككە ءىلىندى. ايەل وقيعا ورنىندا كوز جۇمدى.
