ktk.kz
اتىراۋدا باستاۋىش سىنىپ ءمۇعالىمى پىشاقتاپ ءولتىرىلدى
اتىراۋدا وتباسىلىق جانجال كەزىندە 58 جاستاعى ايەل قازا بولدى. ول قالاداعى مەكتەپ-ليسەيلەردىڭ بىرىندە باستاۋىش سىنىپ ءمۇعالىمى بولىپ قىزمەت اتقارعان.
بۇل تۋرالى Infohub.kz اقپارات اگەنتتىگى حابارلايدى.
قايعىلى وقيعا 16 ناۋرىزعا قاراعان ءتۇنى بولعان. الدىن الا مالىمەتتەر بويىنشا، پەداگوگ پەن ونىڭ كۇيەۋى اراسىندا تۇرمىستىق جانجال شىعىپ، ناتيجەسىندە ايەل پىشاق جاراقاتىنان كوز جۇمعان. قىلمىس جاسادى دەگەن كۇدىك ونىڭ 62 جاستاعى كۇيەۋىنە ءتيدى.
اتىراۋ وبلىستىق پوليسيا دەپارتامەنتى باسپا ءسوز قىزمەتىنىڭ حابارلاۋىنشا، وقيعا تۋرالى حابارلاما قۇقىق قورعاۋ ورگاندارىنا تۇندە شامامەن ساعات 03:30-دا تۇسكەن. وقيعا ورنىنا كەلگەن پوليسيا قىزمەتكەرلەرى جانجالدىڭ وتباسىلىق سيپاتتا بولعانىن انىقتادى.
كۇدىكتى ۇستالدى. بۇل دەرەك بويىنشا كىسى ءولتىرۋ بابىمەن سوتقا دەيىنگى تەرگەۋ باستالدى.
پوليسيا قازىرگى ۋاقىتتا وقيعانىڭ ءمان-جايىن انىقتاپ جاتقانىن اتاپ ءوتتى. تەرگەۋ مۇددەسى ءۇشىن قوسىمشا اقپارات ازىرگە جاريالانبايدى.
-
اتا-انالار بالالارىنىڭ كينوعا ءتۇسۋ ءۇشىن اقشا تولەگەنىن، ءبىراق ءتۇسىرىلىم بولماعانىن ايتىپ شاعىمداندى. كينوستۋديانىڭ كەڭسەسى جابىلىپ قالعان.
-
يزۆەستنىي ايتىسكەر كۋانىش ماكسۋت بەت تريەۆوگۋ: ناسيونالنوە يسكۋسستۆو، وسوبەننو ايتىس، ستراداەت وت ۆمەشاتەلستۆا رەليگيي ي ترايباليزما.
