InfoHub Logo

اتىراۋ وبلىسىندا ءبىر وتباسىنىڭ قازاسىنا قاتىستى تەرگەۋدە جاڭا ءمان-جايلار انىقتالدى. جانگەلدين اۋىلىندا بولعان وقيعاعا بايلانىستى باستى كۇدىكتىگە تاعىلعان ايىپتار كوبەيىپ، ءىس ەندى ەكى باپ بويىنشا قاراستىرىلۋدا.

بۇل تۋرالى Infohub.kz اقپارات اگەنتتىگى حابارلايدى.

ىشكى ىستەر مينيسترلىگىنىڭ مالىمەتىنشە، سۇلتان سارسەمالييەۆكە قىلمىستىق كودەكستىڭ 99-بابى 2-بولىگى بويىنشا — ەكى نەمەسە ودان دا كوپ ادامدى ءولتىرۋ، سونداي-اق 188-بابى 2-بولىگى بويىنشا — توپ بولىپ جاسالعان ۇرلىق دەرەگىمەن تەرگەۋ جۇرگىزىلىپ جاتىر. ۆەدومستۆونىڭ حابارلاۋىنشا، قىلمىستىق ءىس ادام ءولتىرۋ جانە مارقۇمداردىڭ مۇلكىن جىمقىرۋ فاكتىلەرى بويىنشا قوزعالعان. كۇدىكتى ۇستالىپ، سوت سانكسياسىمەن قاماۋعا الىنعان.

قازىرگى ۋاقىتتا سوتقا دەيىنگى تەرگەۋ جالعاسۋدا. الايدا، مينيسترلىك جاۋابىندا كۇدىكتىنىڭ جۇبايى اقبايان مۇقانعالييەۆانىڭ ارەكەتىنە قاتىستى قۇقىقتىق باعا بەرىلگەن-بەرىلمەگەنى ناقتىلانباعان.

ەستەرىڭىزگە سالا كەتەيىك، جانگەلدين اۋىلىنان شىققان ءبىر وتباسىنىڭ جوعالعانى تۋرالى تۋىستارى 2025 جىلدىڭ جەلتوقسان ايىنىڭ سوڭىندا حابارلاعان بولاتىن. زەينەتكەر ەرلى-زايىپتى مەن ولاردىڭ ەرەسەك بالالارى ۇيدەن شىعىپ كەتكەننەن كەيىن بايلانىس ۇزىلگەن. كەيىن بۇل ءىستىڭ جاپپاي كىسى ءولتىرۋ فاكتىسى بويىنشا تەرگەلىپ جاتقانى بەلگىلى بولدى.