Photo: Daniel Absi (https://www.pexels.com/@danielabsi) / Pexels
اتىراۋدا ءۇش كۇن بويى سوققان شاڭ: قالانىڭ تىنىس-تىرشىلىگى توقتاعانداي بولدى
اتىراۋ قالاسى سوڭعى ءۇش كۇن بويى قالىڭ شاڭ-توزاڭنىڭ استىندا قالدى. قالانىڭ كوشەلەرى بوزارىپ، عيماراتتاردىڭ رەڭى بۇلىڭعىر تارتتى. كولىكتەر ءتىپتى كۇندىزدىڭ وزىندە فارالارىن جاعىپ جۇرۋگە ءماجبۇر بولدى. بۇل جاعداي قالانىڭ تىنىس-تىرشىلىگىن ءبىرشاما تەجەپ، تۇرعىنداردى الاڭداتتى.
بۇل تۋرالى Infohub.kz اقپارات اگەنتتىگى حابارلايدى.
كوشەلەردەگى تىعىزدىق ازايدى
قالا كوشەلەرى ادەتتەگىدەن تىس بوس قالدى. اۆتوموبيلدەردىڭ اعىنى ازايدى، ايالدامالارداعى ادامدار سانى دا سيرەدى. سىرتقا شىققاندار بەتتەرىن ماسكامەن نەمەسە ورامالمەن جاۋىپ العان. اۋاداعى شاڭدى سەزۋگە بولادى، ول كيىمگە دە جابىسىپ قالادى.
كەيبىر اۋدانداردا كوكجيەكتى ناشار كورۋگە بولاتىندىقتان، جۇرگىزۋشىلەر جىلدامدىقتى ازايتۋعا ءماجبۇر بولدى. جاياۋ جۇرگىنشىلەر كوزدەرىن قىسىپ، جەلدەن قورعانۋعا تىرىستى.
بالىقشىلار ادەتتەگىدەي
تەك وزەننىڭ مۇزىنداعى جاعداي وزگەرىسسىز قالدى. بالىقشىلار بۇرىنعىداي ءوز ورىندارىندا وتىر. ولارعا ايازدى جەل مەن سۇر كوك اسپان دا كەدەرگى بولا المادى.
اتىراۋ وبلىسى بويىنشا ەكولوگيا دەپارتامەنتىنىڭ مالىمەتىنشە، بۇل شاڭدى داۋىل كاسپيي تەڭىزىنىڭ سۋى ازايعان اۋماقتارىمەن بايلانىستى بولۋى مۇمكىن. مونيتورينگ ستانسيالارى لاستاۋشى زاتتاردىڭ شەكتى جول بەرىلەتىن كونسەنتراسياسىنىڭ اسىپ كەتۋىن تىركەمەگەن.
تۇرعىندارعا مۇمكىندىگىنشە كوشەدە ءجۇرۋدى ازايتۋ ۇسىنىلدى. بوس قالعان كوشەلەرگە قاراپ، كوپشىلىگى بۇل ۇسىنىستى ورىنداعانعا ۇقسايدى.
ايگۇل مانسۋروۆا
فوتو اۆتورى
-
ۆ شىمكەنتە ۆنەدرەنيە سيفروۆوي سيستەمى پوموگلو ۆىياۆيت ي پرەدوتۆراتيت حيششەنيا نا ميللياردى تەنگە، سەكونوميۆ بيۋدجەتۋ زناچيتەلنىە سرەدستۆا.
-
Atyrau experienced three days of dense dust، impacting daily life، reducing visibility، and prompting residents to stay indoors.
