Photo: Juan Pablo Serrano (https://www.pexels.com/@juanpphotoandvideo) / Pexels
اتىراۋداعى جوعالعان وتباسى ىسىنە ارالاسقان حاكەرگە حالىقارالىق ىزدەۋ جاريالاندى
اتىراۋدا ءوزىن «حاكەر» دەپ تانىستىرىپ، الاياقتىقپەن اينالىسقان ازاماتقا حالىقارالىق ىزدەۋ جاريالاندى. بۇل تۋرالى اتىراۋ وبلىستىق پوليسيا دەپارتامەنتى مالىمدەدى.
بۇل تۋرالى Infohub.kz اقپارات اگەنتتىگى حابارلايدى.
پوليسيانىڭ حابارلاۋىنشا، 2025 جىلدىڭ ءساۋىر ايىندا الاياقتىق دەرەگى بويىنشا ءتورت ازاماتتان ارىز تۇسكەن. وسى ارىزدار نەگىزىندە قىلمىستىق ءىس قوزعالىپ، تەرگەۋ باستالعان. ءىس ءتورت ەپيزودتان تۇرادى. الايدا، بۇل قىلمىستىق ءىستىڭ قىزىلقوعا اۋدانىنداعى جانگەلدين اۋىلىندا جوعالعان وتباسىنىڭ جاعدايىنا ەشقانداي قاتىسى جوق ەكەنى اتاپ ءوتىلدى.
كۇدىكتى ازامات 2025 جىلدىڭ ءساۋىر ايىندا قازاقستاننان شىعىپ كەتكەن. ول الەۋمەتتىك جەلىلەردە ءوزىنىڭ «تەرگەۋىن» جاريالاي باستاعان كەزدە شەتەلدە بولعان.
جوعالعان وتباسى ءىسى
ەستەرىڭىزگە سالا كەتەيىك، 2025 جىلدىڭ كۇزىندە جانگەلدين اۋىلىندا ءبىر وتباسىنىڭ ءتورت مۇشەسى ءىز-تۇسسىز جوعالعان بولاتىن. كەيىن ءۇي اۋلاسىنان ەرلى-زايىپتىنىڭ مايىتتەرى تابىلىپ، بالالارى ءالى كۇنگە دەيىن ىزدەستىرىلىپ جاتىر. بۇل قىلمىسقا قاتىستى 29 جاستاعى كۇيەۋ بالا – سۇلتان سارسەمالييەۆكە ىزدەۋ جاريالانعان ەدى. پوليسيا كۇدىكتىنىڭ ورنالاسقان جەرى انىقتالعانىن جانە جاقىن ارادا ۇستالاتىنىن حابارلادى.
-
عارىشكەر توقتار اۋباكىروۆ ەكس-پرەزيدەنت نۇرسۇلتان نازاربايەۆپەن بايقوڭىردى رەسەيگە جالعا بەرۋ ماسەلەسى بويىنشا بولعان كەلىسپەۋشىلىگى تۋرالى اشىق ايتتى.
-
قازاقستانداعى دوللار باعامىنا اسەر ەتەتىن نەگىزگى فاكتورلار مەن ساراپشىلاردىڭ بولجامدارى تۋرالى تولىق اقپارات.
