Photo: Jakson Martins (https://www.pexels.com/@jaksonmartins) / Pexels
اتىراۋداعى جوعالعان وتباسى: جاڭا دەرەكتەر پايدا بولدى
اتىراۋ وبلىسىندا ءىز-تۇسسىز جوعالعان وتباسىعا قاتىستى جاڭا دەرەكتەر پايدا بولدى. بۇل وقيعا قوعام نازارىن اۋدارتىپ وتىر.
بۇل تۋرالى Infohub.kz اقپارات اگەنتتىگى حابارلايدى.
ىزدەستىرۋ شارالارى جالعاسۋدا
اتىراۋ وبلىسى پروكۋرورىنىڭ اعا كومەكشىسى نۇربولات سۇلتانوۆتىڭ ايتۋىنشا، قىلمىستىق ءىس وبلىستىق پوليسيا دەپارتامەنتىنىڭ وندىرىسىندە جانە پروكۋراتۋرانىڭ قاتاڭ باقىلاۋىندا تۇر.
"قازىرگى ۋاقىتتا جەدەل-ىزدەستىرۋ شارالارى جۇرگىزىلىپ جاتىر. قىلمىستىق-پروسەستىك كودەكسىنىڭ 201-بابىنا ساي وزگە اقپارات جاريالانبايدى. ق ر كونستيتۋسياسىنىڭ 77-بابىنىڭ 3-بولىگى، 1-تارماعىنا سايكەس زاڭدى كۇشىنە ەنگەن سوت ۇكىمى شىققانشا ادام كىنالى ەمەس دەپ ەسەپتەلەدى. الەۋمەتتىك جەلىلەردە ءتۇرلى اقپارات تاراپ جاتىر. سول اقپاراتتارعا سەنبەي، تەك رەسمي اقپاراتقا سۇيەنسە ەكەن دەپ ايتىپ جاتىرمىن"، – دەدى نۇربولات سۇلتانوۆ.
اۋا رايى كەدەرگى كەلتىردى
پروكۋراتۋرا وكىلى كۇدىكتى مەن مارقۇمداردىڭ بالالارىن ىزدەستىرۋ جۇمىستارى ءالى دە جالعاسىپ جاتقانىن حابارلادى. "ىزدەستىرۋ جۇمىستارى جالعاسۋدا. توقتامايدى دا. قىزىلقوعا اۋدانىندا اۋا رايىنىڭ كۇرت وزگەرىپ، قاردىڭ قالىڭ جاۋۋى مەن مۇزدىڭ قاتۋىنا بايلانىستى توتەنشە جاعدايلار دەپارتامەنتى ىزدەستىرۋدى ۋاقىتشا توقتادى. جاقىن ارادا جالعاسىن تابادى. الايدا كۇدىكتىنى جانە حابار-وشارسىز كەتكەن مارقۇمداردىڭ بالالارىن ىزدەستىرۋ توقتاعان جوق. قوسىمشا اقپارات بەرىلەدى"، – دەدى نۇربولات سۇلتانوۆ.
-
اتىراۋ وبلىسىندا 82 جاستاعى ايەل كەلىنىنىڭ قولىنان قازا تاپتى. قايعىلى جاعدايدىڭ سەبەبى مەن تەرگەۋ بارىسى تۋرالى تولىعىراق وقىڭىز.
-
نازاربايەۆ قورى الماتى اكىمدىگىمەن كبتۋ عيماراتىنىڭ ۋنيۆەرسيتەتكە قالدىرىلۋى تۋرالى كەلىسسوزدەر جۇرگىزۋدە.
