Photo: Ayazhan (https://www.pexels.com/@ayazhan-3173683) / Pexels
اتىراۋداعى قوس ادام ءولتىرۋ: باليگە قاشپاق بولعان كۇدىكتىنىڭ ىسىندەگى جاڭالىقتار
اتىراۋ وبلىسىندا تۋىستارىن اسا قاتىگەزدىكپەن ءولتىردى دەپ ايىپتالعان سۇلتان سارسەمالييەۆكە قاتىستى سوت پروسەسى جالعاسىپ جاتىر. ءىس دالەلدەمەلەردى زەرتتەۋ كەزەڭىنە ءوتىپ، سوت وتىرىسىندا تەرگەۋ بارىسىندا تۇسىرىلگەن بەينەماتەريالدار كورسەتىلدى.
بۇل تۋرالى Infohub.kz اقپارات اگەنتتىگى حابارلايدى.
مارقۇمداردىڭ دەنەسى قالاي تابىلعان؟
سوتتا 2025 جىلدىڭ جەلتوقسانىندا جوعالىپ كەتكەن ەرلى-زايىپتى ماقسوت قارابالين مەن ءناسىپ وتەشقالييەۆانىڭ دەنەلەرى تابىلعان ساتكە قاتىستى كادرلار ۇسىنىلدى. تەرگەۋ مالىمەتىنشە، ولاردىڭ مايىتتەرى جەكە ءۇيدىڭ اۋلاسىنداعى قورا ىشىندە شامامەن 1،3 مەتر تەرەڭدىككە كومىلگەن. جەرلەنگەن ورىننىڭ ءۇستى لينولەۋممەن جابىلعانى ايتىلدى.
بەينەماتەريالدا تەرگەۋشىلەر الدىمەن ەر ادامنىڭ، كەيىن ونىڭ استىنان ايەلىنىڭ دەنەسىن شىعارعانى كورسەتىلگەن. بۇعان دەيىن پوليسيا، ۇلتتىق ۇلان قىزمەتكەرلەرى مەن ارنايى تەحنيكا جۇمىلدىرىلعان ىزدەۋ جۇمىستارى جۇرگىزىلگەنىمەن، ناتيجە بولماعان. تەرگەۋ دەرەگىنشە، جاسىرىن كومىلگەن ورىن 2026 جىلعى 9 ناۋرىزدا تەرگەۋ ەكسپەريمەنتى كەزىندە انىقتالعان.
سوت زالىندا كورسەتىلگەن بۇل كادرلار مارقۇمداردىڭ تۋىستارىنا اۋىر اسەر ەتتى. ال ايىپتالۋشى سۇلتان سارسەمالييەۆ بەينەماتەريالداردى ءۇنسىز قاراپ وتىردى.
كۇدىكتىنىڭ باليگە قاشۋ ارەكەتى
سوتتا ايىپتالۋشىنىڭ اتىراۋداعى "دينا" بازارىنداعى لومباردقا بارعان ءساتى دە كورسەتىلدى. باقىلاۋ كامەرالارىنداعى كادرلاردا ونىڭ زەرگەرلىك بۇيىمدار سالىنعان قىزىل قوراپشانى وتكىزىپ، كەيىن اقشا الىپ شىققانى بايقالادى. تەرگەۋ تاراپى بۇل اشەكەيلەر قازا تاپقان وتباسىنىڭ ۇيىنەن الىنعان بولۋى مۇمكىن دەپ ەسەپتەيدى.
بۇدان بولەك، سوتتا سارسەمالييەۆ پەن ونىڭ جۇبايى اقبايان مۇقانعالييەۆانىڭ قازاقستاننان كەتكەن باعىتى تۋرالى دا ايتىلدى. تەرگەۋ مالىمەتىنە سايكەس، ولار 2025 جىلعى 9 جەلتوقساندا "قاپلانبەك" وتكىزۋ بەكەتى ارقىلى وزبەكستانعا وتكەن. كەيىن تاشكەنتتەن كۋالا-لۋمپۋر ارقىلى يندونەزيانىڭ بالي ارالىنا بارعان.
ەرلى-زايىپتى بىرنەشە اي بويى يندونەزيادا بولعان. الايدا 2026 جىلعى 24 اقپاندا جەرگىلىكتى كوشى-قون قىزمەتى ولاردى ۆيزالىق رەجيمدى بۇزعانى ءۇشىن ۇستاعان. كەيىن ەكەۋى قازاقستانعا دەپورتاسيالانىپ، قۇقىق قورعاۋ ورگاندارىنا تاپسىرىلعان.
ءقازىر سوت پروسەسى جالعاسىپ جاتىر. ءىستىڭ تولىق ءمان-جايى سوت بارىسىندا انىقتالماق.
-
قازاقستان پرەزيدەنتى قاسىم-جومارت توقايەۆ گازا سەكتورىنداعى الەۋمەتتىك ينفراقۇرىلىمدى قالپىنا كەلتىرۋگە اتسالىسۋعا دايىن ەكەنىن ءبىلدىردى.
-
Olympic champion Mikhail Shaidorov visited young figure skaters in Almaty، presenting them with certificates for sports equipment on Children's Day.
