اشىق دەرەككوز
اتىراۋداعى قوس ءولىم: كۇدىكتىلەردى ەلگە اكەلۋ جۇمىستارى ءجۇرىپ جاتىر
اتىراۋ وبلىسىندا زەينەتكەر ەرلى-زايىپتىلاردى ءولتىرۋ ءىسى بويىنشا كۇدىكتىلەردى يندونەزيادان قازاقستانعا قايتارۋ ءراسىمى اياقتالۋعا جاقىن. بۇل تۋرالى ىشكى ىستەر ءمينيسترىنىڭ ورىنباسارى سانجار ءادىلوۆ مالىمدەدى.
ونىڭ ايتۋىنشا، قازاقستاندىق تەرگەۋشىلەر مەن ينتەرپول بىرلەسىپ اۋقىمدى جۇمىس اتقاردى. قازىرگى ۋاقىتتا ۇستالعان ازاماتتاردى ەلگە جەتكىزۋ ماسەلەسى شەشىلىپ جاتىر.
«كۇدىكتىلەر يندونەزيادا ۇستالدى. جاقىن ارادا قازاقستانعا جەتكىزىلەدى. حابار-وشارسىز كەتكەن ناۋرىز بەن مەيرامگۇلدى ىزدەۋ جالعاسىپ جاتىر. اتىراۋ وبلىسىندا ارنايى توپ جۇمىس ىستەۋدە»، – دەدى ءادىلوۆ.
ىشكى ىستەر مينيسترلىگىنىڭ مالىمەتىنشە، ۇستالعانعا دەيىن قازا تاپقان زەينەتكەرلەردىڭ قىزى، ياعني نەگىزگى كۇدىكتىنىڭ جۇبايى دا حابار-وشارسىز كەتكەندەر قاتارىندا بولعان. ءقازىر وعان دا كۇدىكتى مارتەبەسى بەرىلىپ، كۇيەۋىمەن بىرگە قازاقستانعا قايتارۋ شارالارى جۇرگىزىلۋدە.
ءىس بويىنشا تەرگەۋ جالعاسۋدا.
-
"قازتاگ" اقپارات اگەنتتىگىنىڭ باس ديرەكتورى اسەت ماتايەۆ پەن باس رەداكتورى امير كاسەنوۆكە قاتىستى ءىس بويىنشا جاڭا ۆيدەو پايدا بولدى. ۆيدەودا اتالعان اگەنتتىكتىڭ Freedom Finance كومپانياسى تۋرالى ماتەريالداردى "تاپسىرىسپەن" جاريالاعانى تۋرالى ايىپتار جوققا شىعارىلادى.
-
استاناداعى جەڭىل رەلستى كولىك (LRT) جۇيەسىنىڭ جۇمىسى تۋرالى تولىق اقپارات. اۋەجايدان "نۇرلى جول" ۆوكزالىنا دەيىنگى جول ءجۇرۋ ۋاقىتى مەن تاريفتەر تۋرالى.
