tengrinews.kz
اۋەدەگى قاۋىپسىزدىك كۇشەيدى: IATA جۇك تاسىمالداۋ ەرەجەلەرىن قاتايتتى
اۋەجايلارداعى تەكسەرۋ كەزىندە كوپتەگەن زاتتاردى الىپ قالۋى مۇمكىن. حالىقارالىق اۋە كولىگى قاۋىمداستىعى (IATA) جۇكتەردى تاسىمالداۋ ەرەجەلەرىن قاتايتتى. بۇل وزگەرىستەر جولاۋشىلاردىڭ قاۋىپسىزدىگىن قامتاماسىز ەتۋ ماقساتىندا ەنگىزىلدى.
بۇل تۋرالى Infohub.kz اقپارات اگەنتتىگى حابارلايدى.
IATA-نىڭ جاڭارتىلعان «ءقاۋىپتى جۇكتەردى تاسىمالداۋ ەرەجەلەرى» قۇجاتىنا سايكەس، كوپتەگەن ءقاۋىپتى زاتتاردى جولاۋشىلار ۇشاقتارىنا باگاجعا دا، قول جۇگىنە دە سالۋعا تىيىم سالىندى. الايدا، كەيبىر زاتتار بەلگىلى ءبىر شارتتارمەن ۇشاق بورتىنا رۇقسات ەتىلەدى.
جەكە پايدالانۋعا ارنالعان ەلەكترونيكا مەن مەديسينالىق قۇرىلعىلار
جەكە پايدالانۋعا ارنالعان تەلەفوندار، نوۋتبۋكتەر، پلانشەتتەر، فوتوكامەرالار سياقتى قۇرىلعىلاردى الىپ وتۋگە بولادى. سونداي-اق، 100-160 ۆاتت-ساعاتتىق اككۋمۋلياتورلاردى اۆياكومپانيانىڭ رۇقساتىمەن تاسىمالداۋعا مۇمكىندىك بار.
مەديسينالىق قۇرىلعىلار قاتارىندا CPAP اپپاراتتارى، ينگالياتورلار، ينسۋلين سورعىشتارى (دەنەگە تاعىلعان جاعدايدا)، ءسپيرتى بار كوسمەتيكالىق قۇرالدار (شاش لاگى، پارفيۋم) جانە سپورتتىق نەمەسە تۇرمىستىق ماقساتتاعى جانۋى جوق اەروزولدەر (2.2 كلاستى) بار.
ايتا كەتەيىك، بارلىق سۇيىقتىقتاردىڭ جالپى كولەمى 2 كەلى نەمەسە 2 ليتردەن اسپاۋى ءتيىس. ءاربىر جەكە زاتتىڭ سالماعى 0،5 كەلى نەمەسە 0،5 ليتردەن ارتىق بولماۋى كەرەك. اەروزول كلاپاندارىن كەزدەيسوق بۇركۋدى بولدىرماس ءۇشىن مىندەتتى تۇردە قالپاقشامەن نەمەسە باسقالاي قورعاۋ قاجەت.
قول جۇگىندە عانا رۇقسات ەتىلەتىن زاتتار
قوسالقى اككۋمۋلياتورلار، ياعني پاۋەربانكتەر تەك قول جۇگىندە عانا تاسىمالدانادى. 100 ۆاتت-ساعاتقا دەيىنگى ليتيي-يوندى اككۋمۋلياتورلاردى شەكتەۋسىز الۋعا بولادى. ال 100-160 ۆاتت-ساعاتتىق اككۋمۋلياتورلارعا ادام باسىنا ەكى دانادان ارتىق ەمەس دەگەن شەكتەۋ قويىلدى.
سونداي-اق، ءبىر دانا سىناپ تەرمومەترىن (قابىمەن) تاسىمالداۋعا بولادى، ءبىراق بۇل ءۇشىن اۋەكومپانيانىڭ رۇقساتى كەرەك. ءبىر قوراپ سىرىڭكە دە رۇقسات ەتىلگەن.
تەك باگاجدا تاسىمالداناتىن زاتتار
سپورتتىق وق-دارىلەردى ادام باسىنا 5 كەلىدەن اسىرماي، مىقتى، قۇلىپتالعان كونتەينەردە تاسىمالداۋعا بولادى. بۇل ءۇشىن دە اۆياكومپانيانىڭ كەلىسىمى قاجەت.
سىرا قۇرامى 24-70 پايىز ارالىعىنداعى الكوگولدى سۋسىنداردى ادام باسىنا 5 ليتردەن اسىرماي، تەك زاۋىتتىق قاپتامادا تاسىمالداۋعا رۇقسات ەتىلەدى.
-
الەۋمەتتىك جەلىدە تاراعان ۆيدەو جۇرتشىلىقتى ەكىگە ءبولدى: ءبىرى مۇنى دۇرىس دەپ تاپسا، ەكىنشىلەرى مۇنداي ارەكەتتى ايىپتايدى.
-
New regulations from the International Air Transport Association (IATA) restrict the transport of dangerous goods on passenger flights، enhancing safety for all.
