InfoHub Logo

الەۋمەتتىك جەلىدە قازاقستاننىڭ تۇڭعىش پرەزيدەنتى نۇرسۇلتان نازاربايەۆقا ارنالعان جازبا جۇرتشىلىقتىڭ نازارىن اۋداردى. Instagram قولدانۋشىسى ءلاززات اسانوۆا ەل اعاسىنا ساۋلىق تىلەپ، "اۋىرماڭىز، نۇرسۇلتان اعا!" دەگەن جازبا جاريالادى.

بۇل تۋرالى Infohub.kz اقپارات اگەنتتىگى حابارلايدى.

ەلباسىنىڭ ەڭبەگىنە توقتالىپ ءوتتى

اۆتور ءوز جازباسىندا ەل باسقارۋدىڭ قانشالىقتى اۋىر جاۋاپكەرشىلىك ەكەنىن اتاپ ءوتىپ، تاۋەلسىزدىكتىڭ العاشقى جىلدارىنداعى قيىن كەزەڭدەردە مەملەكەت تىزگىنىن ۇستاعان تۇلعالاردىڭ ەڭبەگى ەشقاشان ۇمىتىلمايتىنىن ايتتى. ونىڭ پىكىرىنشە، نۇرسۇلتان نازاربايەۆ ەلدىڭ قالىپتاسۋىنا، ەكونوميكانى، سىرتقى ساياساتتى دامىتۋعا جانە ەلوردانى كوركەيتۋگە زور ۇلەس قوسقان.

حالقىمىزدىڭ ىزگى ءداستۇرى

"حالىقتىڭ العىسى مەن اق باتاسى – ەلگە قىزمەت ەتكەن ازامات ءۇشىن ەڭ ۇلكەن ماراپات. دەنساۋلىق – ادامعا بەرىلگەن ەڭ قىمبات نىعمەتتەردىڭ ءبىرى. سوندىقتان ەل اعاسىنا ساۋلىق پەن ۇزاق عۇمىر تىلەۋ – حالقىمىزدىڭ ىزگى ءداستۇرى"، – دەپ جازدى ءلاززات اسانوۆا.

جەلى قولدانۋشىسى جازباسىندا ەل ىشىندە بىرلىك پەن تۇراقتىلىق ساقتالىپ، كوك بايراقتىڭ ءاردايىم بيىكتە جەلبىرەۋىن تىلەدى. الايدا، جازباعا جاساندى ينتەللەكت ارقىلى جاسالعان، نازاربايەۆتىڭ اۋرۋحانادا جاتقانداي كورىنەتىن سۋرەتىن قوسقانى كوپشىلىكتىڭ تالقىسىنا سەبەپ بولدى. بۇل سۋرەتتىڭ ناقتى جاعدايمەن بايلانىسى بار-جوعى ازىرگە بەلگىسىز.

دەنساۋلىعى تۋرالى جالعان اقپاراتتار

بۇعان دەيىن نۇرسۇلتان نازاربايەۆتىڭ دەنساۋلىعىنا قاتىستى ءتۇرلى اقپاراتتار الەۋمەتتىك جەلىدە تاراعان بولاتىن. استاناداعى University Medical Center (UMC) مەديسينالىق ورتالىعى نازاربايەۆقا جۇرەگىنە وپەراسيا جاسالدى دەگەن قاۋەسەتتەرگە قاتىستى تۇسىنىكتەمە بەرىپ، بۇل مالىمەتتەردىڭ ەسكىرگەنىن جانە وزەكتىلىگىن جوعالتقانىن حابارلاعان ەدى. ورتالىق قوعامدى تەكسەرىلمەگەن اقپاراتتاردى تاراتپاۋعا شاقىردى.

UMC-نىڭ مالىمەتىنشە، نازاربايەۆقا جاسالعان سوڭعى وپەراسيا تۋرالى رەسمي اقپارات 2023 جىلى جاريالانعان. سول كەزدە بەلگىلى كارديوحيرۋرگ يۋريي پيا وپەراسيانى جۇرگىزگەنى حابارلانعان بولاتىن.