tengrinews.kz
اۆياجولاۋشىلارعا جەڭىلدىك: ەندى بيلەتتەردەگى قاتەلەردى تۇزەتۋ تەگىن بولادى
ەندى قازاقستاندا اۋەجايلارداعى جەكە مالىمەتتەردى تۇزەتۋ قىزمەتى ءۇشىن اقى تولەۋدىڭ قاجەتى جوق. استانا قالاسىنىڭ كولىك پروكۋراتۋراسىنىڭ باستاماسىمەن ەنگىزىلگەن جاڭا ەرەجەلەر 2026 جىلدىڭ باسىنان باستاپ قولدانىسقا ەندى. بۇل وزگەرىس جولاۋشىلاردىڭ بيلەتتەرىندەگى ءاتى-جونى، تەگى نەمەسە اكەسىنىڭ اتىنداعى ەكى ارىپكە دەيىنگى قاتەلەردى تەگىن تۇزەتۋگە مۇمكىندىك بەرەدى.
بۇعان دەيىن مۇنداي كىشىگىرىم قاتەلەر كوبىنەسە تىركەۋ كەزىندە قوسىمشا تولەمدەرگە نەمەسە ايىپپۇلدارعا اكەلىپ سوعاتىن. الايدا، بۇل قاتەلەر جولاۋشىنى انىقتاۋعا كەدەرگى كەلتىرمەگەن.
بۇل وزگەرىستەرگە ازاماتتاردىڭ تۇسكەن شاعىمدارى سەبەپ بولدى. پروكۋراتۋرانىڭ مالىمەتىنشە، 2025 جىلى Qazaq Air اۋەكومپانياسى (قازىرگى Vietjet Qazaqstan برەندىمەن جۇمىس ىستەيدى) 3 815 جولاۋشىنىڭ دەرەكتەرىن وزگەرتكەن. كوبىنەسە بۇل ەكى ارىپتەن اسپايتىن كادىمگى قاتەلەر بولعان.
استانا قالاسىنىڭ اۆياسيالىق كولىك پروكۋراتۋراسى مەن اۋە تاسىمالداۋشى باسشىلىعىنىڭ كەزدەسۋىنەن كەيىن جاڭا ءتارتىپ ەنگىزىلدى. ەندى مۇنداي تۇزەتۋلەر تەگىن اتقارىلادى.
پروكۋراتۋرا بۇل شەشىمنىڭ ۇشۋ الدىنداعى جانجالدى جاعدايلاردى ازايتۋعا جانە جولاۋشىلارعا كورسەتىلەتىن قىزمەت ساپاسىن ارتتىرۋعا باعىتتالعانىن اتاپ ءوتتى.
«2026 جىلدىڭ باسىنان باستاپ اتى-جونىندەگى ەكى ارىپكە دەيىنگى قاتەلەردى تەگىن تۇزەتۋدىڭ جاڭا ءتارتىبى ەنگىزىلدى»، - دەپ حابارلادى ۆەدومستۆو.
مامانداردىڭ باعالاۋى بويىنشا، بۇل شارا جولاۋشىلاردىڭ بيلەتتەردى ونلاين ساتىپ الۋ كەزىندە ءجيى كەزدەسەتىن تەحنيكالىق قاتەلىكتەر ءۇشىن ارتىق اقشا تولەمەۋىنە جاعداي جاسايدى. الايدا، بۇل وزگەرىستەر تەك ەلەۋسىز قاتەلەرگە قاتىستى. ەگەر بيلەتتەگى مالىمەتتەر ايتارلىقتاي ەرەكشەلەنسە، ولاردى تۇزەتۋ بۇرىنعىداي اۋەكومپانيا ەرەجەلەرى بويىنشا قوسىمشا تەكسەرۋمەن جانە ىقتيمال تولەمدەرمەن جۇزەگە اسىرىلادى.
-
تالدىقورعاندا مەسەنات سالعان ءۇيدىڭ تۇرعىندارى پاتەرلەرىن جەكەشەلەندىرۋ ءۇشىن اقشا تولەۋگە ءماجبۇر بولىپ وتىر. بۇل جاعداي الەۋمەتتىك جەلىدە قىزۋ تالقىلانىپ، جۇرتشىلىقتىڭ نارازىلىعىن تۋدىردى.
-
Travelers in Kazakhstan can now correct small errors on their flight tickets for free، a move aimed at improving passenger convenience and reducing pre-flight stress.
