InfoHub Logo

كولىك ساتاردا باعانى ادەيى تومەندەتىپ كورسەتۋ – سالىقتان جالتارعىسى كەلەتىندەردىڭ ءجيى قولداناتىن ءادىسى. الايدا، مەملەكەتتىك كىرىستەر كوميتەتىنىڭ ماماندارى بۇل ارەكەتتىڭ قانداي سالدارعا اكەپ سوقتىراتىنىن ەسكەرتتى.

بۇل تۋرالى Infohub.kz اقپارات اگەنتتىگى حابارلايدى.

نەگە باعانى تومەندەتۋگە بولمايدى؟

كەيبىر ساتۋشىلار كولىگىن نەمەسە باسقا دا مۇلىكتەرىن ساتقاندا، ونىڭ قۇنىن 1-2 مىڭ تەڭگە دەپ كورسەتىپ جاتادى. مۇنداي جاعدايلاردا سالىق ورگاندارى ساتۋشىنىڭ ءوزى جاۋاپتى بولادى. ماسەلەن، ءسىز كولىگىڭىزدى مىڭ تەڭگەگە ساتىپ، كەيىن ارادا ءبىر اپتا وتپەي جاتىپ جاڭا كولىك ساتىپ الساڭىز، ونداعى اقشانىڭ قايدان كەلگەنى تۋرالى سۇراق تۋىندايدى.

«سوندىقتان ءارقاشان مۇلىكتەرىڭىزدى ساتقاندا ناقتى باعاسىن، سونداي-اق ساتىپ العانداعى قۇنىن كورسەتۋگە كەڭەس بەرەمىز. بۇل بولاشاقتا تۋىندايتىن سۇراقتاردىڭ الدىن الادى»، - دەيدى مەملەكەتتىك كىرىستەر كوميتەتىنىڭ تولەمسىز كىرىستەردى اكىمشىلەندىرۋ باسقارماسىنىڭ باسشىسى دينا قۇسايىنوۆا.

سالىقتىق سالدارى قانداي؟

ەگەر ءسىز كولىكتى مىڭ تەڭگەگە ساتىپ، كەيىن ونى 15 ميلليون تەڭگەگە ساتساڭىز، وندا ءسىزدىڭ پايداڭىز 15 ميلليون تەڭگە بولىپ ەسەپتەلەدى (مىڭ تەڭگەنى شەگەرگەندە). بۇل سوماعا سالىق تولەۋگە تۋرا كەلەدى.

ەستەرىڭىزگە سالا كەتەيىك، 2026 جىلدىڭ 1 قاڭتارىنان باستاپ قازاقستاندا جاڭا سالىق كودەكسى كۇشىنە ەندى. ەندى مۇلىك ساتقاندا جەكە تابىس سالىعىن (جتس) تولەمەۋ ءۇشىن ونى 2 جىلدان استام ۋاقىت يەلەنۋ قاجەت (بۇرىن 1 جىل بولاتىن). ەگەر تۇرعىن ءۇيدى نەمەسە باسقا دا مەنشىكتى بۇل مەرزىمنەن بۇرىن ساتساڭىز، جتس تولەيسىز.

ماڭىزدى: ەگەر مۇلىك ساتۋدان الىنعان پايدا سوماسى 36 ميلليون تەڭگەدەن اسپاسا، وندا 10 پايىز، ال بۇل سومادان جوعارى بولسا، سالىق مولشەرى 15 پايىز بولادى.