f.azh.kz
اۆتوسالوندى توناپ، كليەنتتەردى الداعان باسشى 8 جىلعا سوتتالدى
تاراز قالاسىندا اۆتوسالوننىڭ ساتىلىم ءبولىمىن باسقارعان 25 جاستاعى جىگىت كليەنتتەر مەن كومپانيانى الداپ، اسا ءىرى كولەمدە قارجى جىمقىرعان. ونىڭ بۇل ارەكەتتەرى ءۇشىن العاشقىدا 5 جىل 1 ايعا باس بوستاندىعىنان ايىرىلعانىمەن، كاسساسيالىق سوت بۇل شەشىمدى وزگەرتىپ، جازا مەرزىمىن 8 جىلعا ۇزارتتى.
بۇل تۋرالى Infohub.kz اقپارات اگەنتتىگى حابارلايدى.
كليەنتتى الداپ، اۆتوسالوننىڭ كولىگىن بەرگەن
تەرگەۋ نۇسقاسى بويىنشا، جاس باسشى كليەنت ايەلدىڭ 90 ميلليون تەڭگەلىك كولىگىن جاڭاسىنا اۋىستىرىپ بەرەمىن دەپ الداعان. ايەلدىڭ كولىگىن ساتىپ، اقشاسىن ءوزىنىڭ يگىلىگىنە جاراتقان. كەيىن، قىلمىستى جاسىرۋ ءۇشىن، باسشىلىقتىڭ رۇقساتىنسىز، اۆتوسالوننىڭ 83 ميلليون تەڭگەلىك جاڭا كولىگىن ايەلگە بەرىپ جىبەرگەن.
تاعى دا الاياقتىق ارەكەتتەر
بۇل وقيعالارمەن توقتاپ قالماعان. ول سالونعا ساتىلۋعا قالدىرىلعان ەكى كولىكتى 68 ميلليون جانە 34 ميلليون تەڭگەگە ساتىپ، اقشاسىن وزىنە قاراتقان. سونىمەن قاتار، كومپانياعا تيەسىلى قۇنى 59 ميلليون تەڭگە بولاتىن جاڭا Toyota Land Cruiser كولىگىن دە تومەن باعامەن ساتىپ جىبەرگەن.
سوت شەشىمى
باستاپقىدا سوت ونى الاياقتىق جانە راستراتا جاسادى دەپ تانىپ، جازا رەتىندە 5 جىل 1 اي مەرزىمگە باس بوستاندىعىنان ايىرعان. مۇنداعى جەڭىلدەتەتىن جاعدايلار رەتىندە جاس كەزى مەن كىناسىن ءىشىنارا مويىنداعانى ەسەپتەلگەن.
الايدا، پروكۋراتۋرا بۇل شەشىممەن كەلىسپەي، ءىستى كاسساسيالىق سوتقا بەرگەن. سوت ماتەريالدارىن زەردەلەگەننەن كەيىن، كەلتىرىلگەن 334 ميلليون تەڭگە زالال ءالى كۇنگە دەيىن وتەلمەگەنىن ەسكەرىپ، ۇكىمدى وزگەرتەدى. ناتيجەسىندە، باس بوستاندىعىنان ايىرۋ مەرزىمى 8 جىلعا دەيىن ۇزارتىلدى.
اۆتوكولىك ساتىپ الۋ كەزىندە الاياقتاردان قالاي ساقتانۋعا بولادى؟
رەداكسيا ەسكە سالادى: رەسمي ديلەرلەرمەن مامىلە جاساسقاندا، كەلىسىمشارتتار مەن مورلەردى مۇقيات تەكسەرىپ، اقشالاي قاراجاتتىڭ قىزمەتكەرلەردىڭ قولىنا ەمەس، كومپانيانىڭ رەسمي شوتىنا اۋدارىلعانىنا كوز جەتكىزۋ ماڭىزدى.
-
ۆ كازاحستانە پلانيرۋيۋت ۆۆەستي سپەسيالنىە زەلەنىە نومەرنىە زناكي دليا ەلەكتروموبيلەي، چتوبى ۋپروستيت يح يدەنتيفيكاسيۋ ي پرەدوستاۆيت دوستۋپ ك لگوتام.
-
A 25-year-old former sales manager in Taraz has been sentenced to eight years in prison for defrauding clients and his company of over 334 million tenge.
