InfoHub Logo

تانىمال تەاتر جانە كينو اكتەرى ازامات ساتىبالدى ومىرىندەگى ەڭ اۋىر سىناقتاردىڭ ءبىرى تۋرالى اشىق ايتتى. ول جارىنىڭ دەنساۋلىعىنا بايلانىستى بالا كوتەرە المايتىنى تۋرالى دياگنوز قويىلعانداعى قيىندىقتاردى ءبولىستى.

بۇل تۋرالى Infohub.kz اقپارات اگەنتتىگى حابارلايدى.

وتباسىلىق قيىندىقتار

اكتەردىڭ ايتۋىنشا، ولار وتباسىندا ءبىر عانا ۇل تاربيەلەپ وتىر. الايدا، كەيبىر ادامداردىڭ «تۋىپ المايسىڭدار ما؟ نە ىستەپ جۇرسىڭدەر ءبىر بالانىڭ بەتىنە قاراپ؟» دەگەن سوزدەرى جانعا باتاتىن بولعان. ازامات ساتىبالدى بۇل سوزدەردىڭ ارتىنداعى جاعدايدى ەشكىم بىلمەيتىنىن ايتتى.

ول جۇبايى نازگۇل ەكەۋىنىڭ دە كوپبالالى وتباسىنان شىققانىن، وزدەرى دە كوپ بالالى بولۋدى ارمانداعانىن جەتكىزدى. الايدا، تۇڭعىش ۇلدارى دۇنيەگە كەلگەننەن كەيىن جارى سىرقاتتانىپ، دارىگەرلەر وعان بالا كوتەرە المايتىنىن ايتقان.

دارىگەرلەردىڭ دياگنوزى جانە اكەنىڭ دانالىعى

«ءبىزدىڭ بارماعان جەرىمىز جوق. ءبىراق ناتيجە بولمادى. بىردەن “بالا كوتەرمەيدى” دەگەن دياگنوز قويىلدى. جىگىت بولعان سوڭ جامان ويلار دا كەلەدى ەكەن»، – دەيدى اكتەر.

اكتەردىڭ ايتۋىنشا، سول كەزدە اكەسىنىڭ ءبىر اۋىز ءسوزى ونى ۇلكەن قاتەلىك جاساۋدان ساقتاپ قالعان. اكەسى: «ەگەر نازگۇلدەن باسقا ايەل الامىن دەسەڭ، بولماسا اجىراسىپ توقال الامىن دەسەڭ، ەكى دۇنيەدە باتامدى بەرمەيمىن. ماعان نازگۇلدەن ارتىق كەلىن كەرەك ەمەس. اللا تاعالا 1 بالاعا تاتىمايتىن 10 بالا بەرە مە، 10 بالاعا تاتيتىن 1 بالا بەرە مە – ءوزى بىلەدى. بار بالاڭا شۇكىر ەت» دەپ ايتقان ەكەن.

ومىرلىك ساباق

اكەسىنىڭ سوزدەرىنەن كەيىن ازامات ساتىبالدىنىڭ كوزقاراسى وزگەرىپ، وتباسىنداعى قارىم-قاتىناس نىعايا تۇسكەن. «ءقازىر ۇلىم 21 جاستا. ەشقاشان وكىنبەيمىن. اكەمنىڭ دانالىعىنا ريزامىن»، – دەدى اكتەر.