depositphotos.com/HJBC
ءباا بىرىككەن اراب امىرلىكتەرى ورمۋز بۇعازىن اشۋ ءۇشىن بۇۇ-دان اسكەري كۇش قولدانۋدى قوسا العانداعى شارالارعا رۇقسات سۇرادى
بىرىككەن اراب امىرلىكتەرى (ءباا) ورمۋز بۇعازىنداعى كەمە قاتىناسىن قالپىنا كەلتىرۋ ءۇشىن اسكەري كۇش قولدانۋدى قوسا العانداعى شارالارعا بۇۇ قاۋىپسىزدىك كەڭەسىنىڭ رۇقساتىن سۇرادى. بۇل تۋرالى Bloomberg اگەنتتىگى حابارلادى.
ءباا بىرىككەن ۇلتتار ۇيىمىنىڭ جارعىسىنىڭ 7-بابىن قولدانۋعا دايىندالىپ جاتىر. بۇل باپ اسكەري كۇشتەردى قولدانۋعا مۇمكىندىك بەرەدى. ابۋ-دابي كەڭەستى ورمۋز بۇعازى ارقىلى ءقاۋىپسىز ءجۇزۋدى قامتاماسىز ەتۋ ءۇشىن «دەرەۋ ارەكەت ەتۋگە» شاقىردى. ءباا ديپلوماتتارى اقش-تى، سونداي-اق ەۋروپا مەن ازيانىڭ اسكەري دەرجاۆالارىن ورمۋز بۇعازىن اشۋ ءۇشىن كواليسيا قۇرۋعا ۇندەدى. يران ناۋرىز ايىنىڭ باسىندا بۇل ماڭىزدى سۋ جولىن ءىس جۇزىندە جاۋىپ تاستاعان بولاتىن.
ءباا اقش-قا ستراتەگيالىق ماڭىزى بار بۇعازداعى ارالداردى، سونىڭ ىشىندە يران باقىلاۋىنداعى جانە ءباا تالاپ ەتەتىن ابۋ-مۋسا ارالىن باسىپ الۋدى ۇسىندى.
ەگەر ءباا بۇۇ-دان رۇقسات السا، وندا سوعىسقا كىرىسۋگە قۇقىقتىق نەگىز الادى، دەپ اتاپ ءوتتى ايماقتاعى ءبىرقاتار ب ا ق.
بۇعان دەيىن باحرەين دە بۇۇ قك-نە ۇقساس ءوتىنىش جاساۋعا دايىندالعانى حابارلانعان بولاتىن، الايدا رەسەي مەن قىتايدىڭ ۆەتو سالۋىنان سەسكەنىپ، 7-باپقا سىلتەمەنى الىپ تاستاۋعا شەشىم قابىلداعان.
وسى جاڭالىقتان كەيىن بىردەن دۋباي مەن ابۋ-دابيگە اۋقىمدى زىمىراندى-دروندى سوققى جاسالدى.
بۇعان دەيىن اقش پرەزيدەنتى دونالد ترامپ تەگەراننىڭ بىتىمگەرشىلىك تۋرالى ءوتىنىش جاساعانىن مالىمدەپ، ورمۋز بۇعازى اشىلمايىنشا ەشقانداي كەلىسسوز بولمايتىنىن ايتقان ەدى. تەگەران ۆاشينگتونعا ءوتىنىش جاساۋ تۋرالى اقپاراتتى جوققا شىعاردى.
ءبىرقاتار امەريكاندىق باق-تىڭ جازۋىنشا، ترامپ بەيسەنبى كۇنگى ۇندەۋىندە يرانمەن سوعىستا جەڭىس جاريالايتىنىن ايتپاق.
-
ۆىستۋپلەنيا يزۆەستنوگو روسسييسكوگو كوميكا نۋرلانا سابۋروۆا ۆ كيتاە ستولكنۋليس س وتمەنامي ي نەوپرەدەلەننوستيۋ. ۋزنايتە پودروبنوستي.
-
The United Arab Emirates has requested UN Security Council authorization for measures، including military force، to reopen the vital Strait of Hormuz.
