InfoHub Logo

ونەگە ساعاتىنىڭ تاقىرىبى: بابالار ەرلىگى – ۇرپاققا ۇلگى
ماقساتى:
1. ۇلى وتان سوعىسىنا قاتىسقان باتىر بابالار مەن تۋعان جەر توپىراعىنان سوعىسقا قاتىسىپ، وتانىن قورعاعان ارداگەر - مايدانگەرلەردى ەسكە الۋ.
2. وقۋشىلاردى وتاندى سۇيۋگە، قورعاۋعا تاربيەلەي وتىرىپ، ەلجاندىلىققا، ادامگەرشىلىككە باۋلۋ.
كورنەكىلىگى: وتان، ەرلىك، باتىرلىق تۋرالى ناقىل سوزدەر، شارلار، گيرلياندتار.
ساباقتىڭ ءتۇرى: تەاترلاندىرىلعان ساباق.

ساباقتىڭ بارىسى:
ءى. كىرىسپە.
قۇرمەتتى بالالار! مىنە، بيىل سول ءبىر قىرىق ءبىردىڭ ماۋسىمىندا باستالعان سۇراپىل سوعىستىڭ جەڭىسپەن اياقتالىپ، ەلىمىزدە بەيبىت كۇن ورناعانىنا 70 جىل تولىپ وتىر.
جەڭىس! ءيا، ونى سان ميلليونداعان ادامدار 4 جىل بويى مينۋتتاپ، ساعاتتاپ سارىلا كۇتتى ەمەس پە. اقىرى ولاردىڭ ءۇمىتى مەن سەنىمى اقتالدى، تىلەكتەرى ورىندالدى.

ءبىراق سول جەڭىس وڭايلىقپەن كەلگەن جوق. جەڭىس جولىندا وتان ءۇشىن سۋ كەشىپ تالاي ميللونداعان اسىل ازاماتتار مەرت بولدى. جاۋمەن جان اياماي شايقاسىپ، ەرلىكتىڭ ەرەن ۇلگىلەرىن كورسەتتى. انا - جارىن جوعالتقان جەسىر اتانسا، بالا - اكەسىنەن، اناسىنان ايىرىلعان جەتىم اتاندى. فاشيستەردىڭ تۇتقىن لاگەرىندە قانشاما انا مەن بالا ايۋاندىقپەن ازاپتاپ ءولتىرىلدى.

ال، تىلدا قالعان قارتتار، انالار مەن بەسىكتەن بەلى شىقپاعان بالالار سوعىستىڭ قايعى - قاسىرەتىن ارقالاي ءجۇرىپ، بىردە اش، بىردە توق تىنباي جۇمىس ىستەدى. ءبىراق ەشكىمنىڭ ساعى سىنبادى. ولاردىڭ بويىنداعى وتانشىلدىق سەزىم، قولىنا قارۋ الىپ ساپقا تۇرعان سانالۋان ۇلت وكىلدەرىنىڭ بىرلىگى مەن ەرەن ەرلىگى جەڭىس ساعاتىن جاقىنداتا ءتۇستى.

ءبىزدىڭ قازاقستاندا دا سوعىس وتى شارپىماعان شاڭىراق كەمدە - كەم. ءوز تۋعان جەرىمىزدەن، تۋعان اۋىلىمىزدان دا قانشاما ادام وتانىن قورعاۋعا اتتاندى. اتاپ ايتار بولساق، مانابايەۆ ءتاجىباي، باتىربەكوۆ ورازالى، قارىنباي ۇلى بوقاي، جولداسبايەۆ وماربەك، توقتاسىنوۆ ايتاقىن، ءابدىرامانوۆ ءشامي، سىمايىلوۆ ءاشىر ت. ب. اتالارىمىز سوعىسقا قاتىسىپ، ەرەن ەرلىكتەرىن كورسەتتى. ال قارىنبايەۆا مەيرامحان، سەنكىبايەۆا بەيقۇت سىندى كوپتەگەن اپالارىمىز تىلدا ەڭبەك ەتىپ، ۇلى جەڭىسكە ءوز ۇلەستەرىن قوستى.
ءدال وسىناۋ جادىراڭقى ءجاي كۇنى،
بولسا داعى قاي عاسىردىڭ قاي جىلى.
ۇلى وتانىم باسىمدى ءيىپ ءبىر مينۋت،
ەسىمە الام سول ءبىر اپات قايعىنى - دەي وتىرىپ، بۇگىنگى كۇنى ارامىزدا امان - ەسەن جۇرگەن ارداگەر اتا - اپالارىمىزعا باس ءيىپ تاعزىم ەتىپ، قان مايداندا مەرت بولىپ، قازا تاپقان، وسىناۋ ۇلى كۇندى ۇرپاعىنا تارتۋ ەتكەن باتىر اتا - اپالارىمىزدىڭ رۋحىنا باس ءيىپ، ۇنسىزدىكپەن ەسكە الايىق.

1 مينۋت ۇنسىزدىك.
ءيا، بالالار، سوناۋ 1941 جىلدىڭ 22 ماۋسىمى كۇنى تاڭ الدىندا نەمىس فاشيستەرى ەلىمىزگە تۇتقيىلدان سوعىس اشتى. سوۆەت حالقى ادام ايتقىسىز قيىن - قىستاۋ كەزەڭگە دۋشار بولدى. قازاقستان رەسپۋبليكاسىنان 1 ملن. 196 مىڭ 164 ادام قارۋ اسىنىپ سوعىسقا اتتانسا، ەڭبەك ارمياسىنا 700 مىڭ ادام جىبەرىلدى. قاسىق قانى قالعانشا جاۋمەن جان اياماي شايقاسقان اتالارىمىزدىڭ ەرلىكتەرىن ەشكىم دە، ەشقاشان دا ۇمىتپاۋىمىز كەرەك. 28 پانفيلوۆشى باتىرلار، باۋىرجان مومىش ۇلى، تالعات بيگەلدينوۆ، راحىمجان قوشقاربايەۆ، ءاليا مەن مانشۇكتىڭ ەرەن ەرلىكتەرى ۇرپاققا ۇلگى بولىپ، جاس ۇرپاقتىڭ جادىندا ماڭگى ساقتالۋى ءتيىس.

1 - جۇرگىزۋشى:
جەتپىس جىل بولدى - بەيبىت كوكتەم تاڭ اتقالى،
جەتپىس جىل، مىنە - شۋاقتى كۇن تاراتتى ءانىن.
ەسىمدە سونان بەرى جەتپىس مارتە،
اشىلدى جەڭىس كۇننىڭ پاراقتارى.
بابالار ەرلىگى – ۇرپاققا ۇلگى. جۇكتەۋ