InfoHub Logo

پروديۋسەر جانە اكتريسا بايان الاگوزوۆا ءوزىنىڭ تۋعان كۇنىندە الەۋمەتتىك جەلىدە ەرەكشە جازبا جاريالادى. ول وتباسىلىق سۋرەتتەرىن ءبولىسىپ، ءوزىن ماقتان تۇتاتىنىن جانە ءومىردىڭ بار قىزىعى الدا ەكەنىن جەتكىزدى.

بۇل تۋرالى Infohub.kz اقپارات اگەنتتىگى حابارلايدى.

باقىت پەن ماحاببات

بايان الاگوزوۆا: «باقىت وسى ساتتە! مەن ماحابباتقا وتە بايمىن! سۇيەمىن، سۇيىكتىمىن. مەن بىرەۋدىڭ قىزىمىن، ايەلىمىن، اناسىمىن، اجەسىمىن، اپكەسىمىن، دوسىمىن، جەتەكشىسىمىن. انامدى، كۇيەۋىمدى، بالالارىمدى، جاقىندارىمدى جانە دوستارىمدى جاقسى كورەمىن. ولار دا مەنى جاقسى كورەدى. باقىت دەگەن - وسى، باقىت قۋانىشتى ساتتەردە! قۋانىشتى كۇيدە ويانىپ، كوز ىلەمىن. بۇل – مەنىڭ ەڭبەگىمنىڭ جەمىسى! مەن ءوزىمدى ماقتان تۇتامىن. ءوزىمدى تۋعان كۇنىممەن قۇتتىقتايمىن. تۋعان كۇنىمدە قۋانىش، ماحاببات، مەيىرىم، جاسامپازدىق تۋرالى، وسى الەمدى قالاي جاقسارتۋعا بولاتىنى جايلى ويلايمىن! تۋعان كۇنىڭمەن، مەنىڭ سۇيىكتى، قىمباتتى، كەرەمەت باياشام! ءومىردىڭ بار قىزىعى سەن ءۇشىن»، - دەپ جازدى پروديۋسەر.

پروديۋسەردى ارىپتەستەرى مەن وقىرماندارى قۇتتىقتاپ، جىلى لەبىزىن ءبىلدىرىپ جاتىر. ايتا كەتەيىك، پروديۋسەر 52 جاسقا تولىپ وتىر.