InfoHub Logo

جەلىدە تانىمال پروديۋسەر بايان الاگوزوۆانىڭ «كەشYou» توبىنىڭ 20 جىلدىعىنا وراي تۇسىرىلگەن جاڭا جوباسى قىزۋ تالقىعا ءتۇسىپ جاتىر. الايدا، كەيبىر كورەرمەندەر بۇل تۋىندىنى «وتە ءالسىز» دەپ باعالاپ، پروديۋسەردى ارزان حايپ ىزدەدى دەپ ايىپتادى.

بۇل تۋرالى Infohub.kz اقپارات اگەنتتىگى حابارلايدى.

Facebook جەلىسىندە گاۋھار وتەلبايەۆا ەسىمدى قولدانۋشى فيلمگە قاتىستى پىكىرىن جازدى. ول بايان الاگوزوۆانى قۇرمەتتەيتىنىن ايتا كەلىپ، بۇل جوبانىڭ كوڭىل كونشىتپەگەنىن جەتكىزدى. پىكىرىنشە، تۋىندىدا شىعارماشىلىق جولدان گورى، توپ ىشىندەگى «لاس» وقيعالارعا باسىمدىق بەرىلگەن.

«لاس دۇنيەلەردى كورەرمەنگە ۇسىنۋ يدەياسى بايقالادى»

«ماسەلە مونتاج بەن سۋرەتتىڭ ساپاسىندا ەمەس. ماسەلە بىزگە نەنى «جەگىزگىسى» كەلەتىنىندە! كورەرمەنگە لاس دۇنيەلەر، ۇرىس-كەرىس، ىشكى جانجالدار ارقىلى شوۋ ۇسىنۋ يدەياسى بىردەن بايقالادى. ويتكەنى بۇل جاقسى وتەدى. ءبىراق مەن بۇعان كەلىسپەيمىن! شوۋ-بيزنەستەگى ايەلدەر، ولاردىڭ ءوسۋ جولى مەن يندۋستريا تۋرالى وتە مىقتى، لايىقتى دۇنيە جاساۋعا بولار ەدى. قاراۋعا ۇيالاتىن «اس ۇيدەگى» ۇرىس-كەرىسسىز-اق»، – دەپ جازدى جەلى قولدانۋشى.

«كەشYou» توبىنىڭ «اڭىز» ەكەنىنە كۇمان كەلتىردى

اۆتور سونىمەن قاتار، «كەشYou» توبىنىڭ «اڭىز» ەكەنىنە دە كۇمان كەلتىردى. ول توپتىڭ ۋاقىت سىنىنان وتكەن مىقتى حيتتەرىن ەسىنە تۇسىرە المايتىنىن، ال ودان شىققان انشىلەردىڭ (جانار دۇعالوۆانى قوسپاعاندا) تۇتاس ءبىر ءداۋىردى ايقىندايتىن جۇلدىزعا اينالماعانىن العا تارتتى.

«شۋ ءۇشىن جاسالاتىن شوۋ جەتەر!»

پىكىر اۆتورى بايان الاگوزوۆاعا تىكەلەي ۇندەۋ جاساپ، «ءسىزدىڭ دەڭگەيىڭىز بەن مارتەبەڭىزدە بىردەڭەنى جانجال ارقىلى دالەلدەۋدىڭ قاجەتى جوق. ەكى-ۇش كۇن تالقىلانىپ قويا سالاتىن ەمەس، شىنىمەن ءىز قالدىراتىن ءونىم كورگىمىز كەلەدى. شۋ ءۇشىن جاسالاتىن شوۋ جەتەر ەندى! ءوزىڭىزدىڭ قولىڭىزدان كەلەتىنداي شىنىمەن مىقتى دۇنيە بەرىڭىزشى!» دەپ جازدى.

ايتا كەتەيىك، الەۋمەتتىك جەلىدە بۇل پىكىردى كوپشىلىك قولداپ، ءفيلمنىڭ تىم اشىق ءارى داۋلى تۇستارىن سىناپ جاتقان وقىرماندار قاراسى قالىڭ.