InfoHub Logo

الماتىدا وتكەن كەشYOU توبىنىڭ 20 جىلدىق مەرەيتويلىق كونسەرتىندە پروديۋسەر بايان الاگوزوۆاعا تابىستالعان فۋتبولكا جۇرتشىلىقتىڭ نارازىلىعىن تۋدىردى. بۇل جاعداي الەۋمەتتىك جەلىدە قىزۋ تالقىلانىپ، كوپشىلىكتىڭ اشۋىن كەلتىردى.

بۇل تۋرالى Infohub.kz اقپارات اگەنتتىگى حابارلايدى.

كونسەرتتەگى داۋلى سىيلىق

29 مامىردا ورتالىق ستاديوندا 30 مىڭ كورەرمەننىڭ كوزىندەي بولعان توپتىڭ 20 جىلدىق شوۋىندا ۆيزاجيست نۋچي پروديۋسەرگە ارنايى فۋتبولكا سىيلادى. فۋتبولكادا قازاقستاندىق ينتەرنەتتە كەڭ تانىمال بولعان «ۇستازىم» جانە «موليا، نە نەرۆيرۋي مەنيا!» دەگەن سوزدەر جازىلعان ەدى. بۇل سىيلىق جەلىدە تەز تارالىپ، ءارتۇرلى پىكىرلەرگە سەبەپ بولدى.

قانات مايلىبايدىڭ پىكىرى

بلوگەر ءارى ءانشى قانات مايلىباي بۇل جاعدايعا قاتىستى ءوز ويىن اشىق ءبىلدىرىپ، ارەكەتتى قاتاڭ سىنعا الدى. ول بۇل سىيلىقتى حايپ جيناۋ ارەكەتى دەپ اتاپ، پروديۋسەردىڭ بۇل جاعدايعا كۇلىپ تۇرۋىن ۇياتقا بالادى.

«ءسويتىپ وزىنە حايپ جيناپ جاتىر عوي. اناۋ باياندا بەت جوق، ول دا كۇلىپ تۇر. بايان، سەنىكى ۇياتتاۋ. قويا قويۋ كەرەك قوي. كونسەرتىڭ ءوتتى، ەل باردى، العىسىڭدى الدىڭ، ەندى ءويتىپ جەرلەي بەرۋدىڭ قاجەتى جوق قوي»، – دەدى قانات مايلىباي.

ونىڭ ايتۋىنشا، ءمولدىر ەسىمدى ءانشى – جالعىزباستى انا، ول ءوزىنىڭ كۇنىن ءوزى كورىپ ءجۇر. مايلىباي بۇل جاعدايدى ءارى قاراي سوزباۋعا شاقىردى.