«بالا جامبىل» اقش-تا ءبىلىم الىپ ءجۇر – جەلى قولدانۋشىلارى قايتا ىزدەي باستاعان جاس دارىننىڭ قازىرگى جاعدايى بەلگىلى بولدى
«بالا جامبىل» اقش-تا ءبىلىم الىپ ءجۇر – جەلى قولدانۋشىلارى قايتا ىزدە
سوڭعى كۇندەرى الەۋمەتتىك جەلىلەردە بۇرىنعى بەينەروليكتەرى قايتا تاراپ، ءبىر كەزدەرى «بالا جامبىل» دەگەن اتپەن تانىمال بولعان جاس اقىن جامبىل دۇيسەنوۆكە دەگەن قىزىعۋشىلىق قايتا وياندى. ەرەكشە زەرەكتىگىمەن، تاپقىر ولەڭدەرىمەن ەلدى ءتانتى ەتكەن جامبىل دۇيسەن ۇلى كەزىندە ءتۇرلى اقىندار سايىسىندا توپ جارىپ، مەكتەپتى قاتارلاستارىنان ءۇش جىل بۇرىن ءتامامداعان بولاتىن.
ونىڭ تالانتىنا كەزىندە ەل ارداقتىسى مۇحتار شاحانوۆتىڭ ءوزى باتا بەرگەن، بۇل – جاس اقىننىڭ دارىنىنا بەرىلگەن ۇلكەن باعا ەدى.
جەلى قولدانۋشىلارى TikTok-تا تاراعان بەينەروليكتەر ارقىلى جامبىلدىڭ قازىرگى ومىرىنە قىزىعۋشىلىق تانىتىپ، «ءقازىر قايدا ءجۇر؟» دەگەن ساۋال ءجيى قويىپ ءجۇر. بەلگىلى بولعانداي، جامبىل بۇگىندە ەسەيىپ، اقش-تا ءبىلىم الىپ جاتىر. ينتەرنەتتە ونىڭ نيۋ-يوركتەن اتا-اناسىنا جولداعان ۆيدەوسى كەڭ تاراپ كەتتى.
«ءقازىر ءبىز نيۋ-يورك قالاسىنىڭ قاق ورتاسىندامىز. تايمس-سكۆەردە ادامدار وتە كوپ، ءبارى وسى جەردە شوعىرلانعان. وتە ادەمى، اسەرلى جەر»، – دەيدى جامبىل بەينەجازبادا.
وسىلايشا، ەل ەسىندە ەرەكشە دارىنىمەن قالعان «بالا جامبىل» بۇگىندە الەمدىك دەڭگەيدەگى ءبىلىم مەن تاجىريبە جولىندا ءجۇر.
You Might Also Like
-
كوكسۋ وزەنىنەن اعىس الىپ كەتكەن ەر ادامنىڭ ءمايىتى تابىلدى،دەپ جازادى Infohub.kz.
-
گەرمانيا ۋكرايناعا الىس قاشىقتىقتاعى قارۋ شەكتەۋىن الىپ تاستاماق – رەسەي تاراپىنان قاتاڭ رەاكسيا تۋدى
